web counter
LEXO PA REKLAMA!

SHKARKO APP

App Store
Google Play

E fundit!

x

Klodjan Braho mori detyrën/ BE në Shqipëri: Presim të vijojmë bashkëpunimin me SPAK-un

22 Dhjetor 2025, 13:58, Politikë CNA

Klodjan Braho mori detyrën/ BE në Shqipëri: Presim të

Delegacioni i Bashkimit Europian në Shqipëri ka ndarë pak minuta më parë një mesazh, teksa paraditen e kësaj së hënë mori detyrën Kreu i ri i SPAK-ut, Klodjan Braho.

Përmes një postimi në rrjetet sociale, BE uron sukese për Brahon, teksa shpreh edhe vlerësimin ndaj Strukturës së Posaçme për qëndrueshmërinë përballë presioneve politike.

Në mesazh, BE ndan edhe një vlerësim për Altin Dumanin, që tanimë pasohet në detyrë nga Braho.

“Delegacioni i BE-së në Shqipëri uron Klodian Brahon për marrjen sot të detyrës si Kreu i SPAK-ut dhe i dëshiron suksese në këtë rol të rëndësishëm për vendin.

Njëkohësisht, vlerësojmë SPAK-un për qëndrueshmërinë përballë presioneve politike, si edhe për vendosmërinë dhe integritetin e treguar nga Kryeprokurori i mëparshëm, Altin Dumani. Nën drejtimin e tij, SPAK shënoi hapa përpara në luftën kundër korrupsionit të nivelit të lartë dhe kontribuoi në forcimin e besimit të publikut te drejtësia.

Lufta kundër korrupsionit dhe pandëshkueshmërisë, si edhe respektimi i shtetit të së drejtës, janë përgjegjësi e përbashkët e të gjitha institucioneve kyçe dhe një element thelbësor i rrugës së Shqipërisë drejt anëtarësimit në BE—rrugë e mbështetur nga shumica dërrmuese e qytetarëve shqiptarë. U bëjmë thirrje të gjitha institucioneve që të ushtrojnë plotësisht rolin e tyre, të përmbushin përgjegjësitë dhe të bashkëpunojnë pa rezervë për të garantuar llogaridhënie, në dobi të të gjithë qytetarëve.

Presim të vijojmë bashkëpunimin me SPAK-un, teksa e mbështesim Shqipërinë në çdo hap në rrugën drejt Bashkimit Evropian”,-thuhet në mesazh./CNA

 





Lajmet e fundit nga