web counter
LEXO PA REKLAMA!

SHKARKO APP

App Store
Google Play

“Në hapat e përballjes me Ramën”/ Hasimja: Demokratët kanë pasur ofertë për grevë urie

21 Dhjetor 2025, 22:16, Politikë CNA

“Në hapat e përballjes me Ramën”/ Hasimja:

Politologu Ermal Hasimja komentoi sot mbi protestat e zhvilluara së fundmi nga Partia Demokratike.

I ftuar në “Euronews Albania”, Hasimja e cilësoi angazhimin e fundit të demokratëve si pjesë e hapave të përballjes me kryeministrin Edi Rama.

Sipas Hasimes, demokratët kanë pasur edhe oferta për mundësinë e grevës së urisë.

“Brenda PD-së, shumë njerëz duan të shprehin më shumë angazhim dhe gjallëri në protesta, qofshin këto me pjesëmarrje apo aktivitete. Ka pasur oferta për mundësinë e grevës së urisë, që herë pas here është anashkaluar, herë tjetër është përmendur, por duket se janë hapat e parë të përballjes me Ramën. Është interesante të shihet kjo, por edhe rastet e ngjashme në rajon. Rasti më i ngjashëm është ai i Rumanisë në vitet 2013–2018, një rast identik me Shqipërinë. Atje u krijua Drejtoria Kombëtare Antikorrupsionit, një lloj SPAK-u, në llojin e vet, madje më pak i mbrojtur se SPAK-u ynë. Kjo strukturë filloi të godasë dhe goditjet e saj detyruan politikën që të dilte hapur kundër drejtësisë. Kjo solli një reagim të jashtëzakonshëm nga opinioni publik, që kaloi përtej kufijve të partive politike, aq më tepër që kjo strukturë atje godiste të gjitha palët. Protestat gjigande në Rumani e detyruan qeverinë të tërhiqte iniciativat ligjore”,-tha Hasimja./CNA





Lajmet e fundit nga