web counter
LEXO PA REKLAMA!

SHKARKO APP

App Store
Google Play

“Nuk i them vetes se gabova”/ Berisha: Lulzim Bashën nuk e zgjodha unë

20 Dhjetor 2025, 14:02, Politikë CNA

“Nuk i them vetes se gabova”/ Berisha: Lulzim Bashën nuk e

Kryetari i Partisë Demokratike, Sali Berisha, në një bashkëbisedim virtual me ndjekësit, u është përgjigjur pyetjeve të tyre lidhur me Lulzim Bashën.

Berisha ka deklaruar se Lulzim Bashën nuk e ka zgjedhur ai, pasi thekson se kurrë nuk ka menduar dhe nuk mund të mendojë të përgatisë liderin pasardhës.

Ai shtoi se Lulzim Basha bëri gjithçka kundër tij, por nuk i ka thënë kurrë vetes se gaboi me të, sepse nuk e ka zgjedhur.

"Ajo që jam unë në këtë mision, largimi i këtij regjimi. Por shqiptarëve dhe çdo njeriu i them se kurrë nuk kam menduar dhe nuk mund të mendoj të përgatis liderin pasardhës.

Ajo nuk është detyra ime. Jo, ajo është e qytetarëve. Sali Berisha ka me borxh t’u shërbejë atyre me ndershmëri, me vendosmëri, me transparencë, gjersa ata t’i besojnë.

Për sa i përket pasardhësit, liderit, shumë mendojnë se ai që ishte, ishte zgjedhja ime, unë u garantoj se jo, ka qenë zgjedhje e tij në garën që u hap për partinë.

Por unë nuk marr përsipër atë që nuk mund ta bëj kurrë. Do të doja ta bëja. Sigurisht që çdo njeri do të donte ta bënte, por unë kam një vetëdije. Të tjerë mund të mendojnë se e bëjnë, unë jo, nuk mendoj se e bëj.

Ndaj dhe unë e kufizoj veten time të ndërmarr një veprim të tillë. Po ju rrëfej një të fshehtë timen. Lulzim Basha bëri gjithçka kundër meje, kam thënë çdo gjë për të, por nuk i kam thënë kurrë vetes se gabova me të, sepse nuk e kam zgjedhur.

Dhe nuk do ta zgjedh. Nuk mund të bëj atë që nuk mund të bëj", deklaroi Berisha./ CNA





Lajmet e fundit nga