web counter
LEXO PA REKLAMA!

SHKARKO APP

App Store
Google Play

E fundit!

x

“Puthja e Endri Shabanit”/ Manjani: Spektakël i bukur i bërë me skenar e regji të socialistëve

18 Dhjetor 2025, 22:50, Politikë CNA

“Puthja e Endri Shabanit”/ Manjani: Spektakël i bukur i

Juristi Ylli Manjani ka komentuar sot një nga momentet e shumpërfolura në Kuvend, teksa Endri Shabani dërgon një puthje për deputetët e opozitës, pasi u betua si Avokat i Popullit. 

I ftuar në emisionin “Noë” me gazetaren Erla Mëhilli, Manjani u shpreh e gjitha ishte një skenar dhe spektakël i paparë, që sipas tij mban regji dhe skenar të mazhorancës.

“Si skenar, si skenë. Ishte spektakël shumë i bukur më thënë të drejtën. I paparë. Ta ndërtosh me regji kaq bukur nuk do ishte bërë. E gjitha ishte e bukur. Dihej se opozita do shkonte sot në parlament për të bërë dhunë, për të tërhequr vëmendjen se duhen njerëz për të dalë në shesh, normale në kushtet e Shqipërisë.

Revoltohet populli jo ata që marrin nga 6 milionë lekë rrogë, të mos hymë të kjo temë. Të shohim spektaklin. Po e pe si spektakël ishte shumë i bukur. Këta kishin shkuar për të bërë një shoë të dhunshëm që në u ndamë njëherë e mirë nga Edi Rama, ca bënë këta i nxorën kopilin, i nxorën Endri Shabanin.

Ata u çakorduan, i nxori nga binarët. Ajo ishte perla. Puthja e Endrit ishte perle, ishte mbyllja e atij skenari të bukur dhe filmi mbaroi, sipari bie. Si skenar ishte shumë i bukur. Ne qoftë se do ta marrim seriozisht duket të luajmë mendsh, përpiquni ta shihni në këtë mënyrë, opozita për hallet e popullit nuk e e ke idenë ca bën dhe mazhoranca për hallin e popullit sheh hallin e vet”,- tha Manjani./CNA

 





Lajmet e fundit nga