web counter
LEXO PA REKLAMA!

SHKARKO APP

App Store
Google Play

“Rrahja e kundërshtarit dhe përmendja e familjes”/ Rama: Berisha, i vetmi që përdor metoda komuniste

18 Dhjetor 2025, 21:53, Politikë CNA

“Rrahja e kundërshtarit dhe përmendja e familjes”/ Rama:

Kryeministri Edi Rama u ndal te pikëpamjet e tij lidhur me periudhën e regjimit komunist në Shqipëri.

Në emisionin “Opinion”, Rama tha se në vlerësimin e tij, dëmi më i madh i komunizmit është “rrezatimi” që la pas në shoqëri.

Sipas Ramës, ka ende njerëz që përçojnë të njëjtën metodë të trajtimit të kundërshtarit si në komunizëm, duke përmendur kryedemokratin Sali Berisha.

“Kam qenë që në krye të herës antikomunist dhe antifashist. Historia e të drejtave të diktatorëve është sa e komplikuar, aq edhe e thjeshtë. Janë bërë disa gjëra, por kostoja ishte katastrofike. Mendoj se komunizmi, nëse flasim për dëme të lexueshme dhe të numërueshme në plagë e jetë njerëzish, është si puna e Çernobilit, që ka dëme si nga shpërthimi, ashtu edhe nga rrezatimi.

Dëmi që kam konstatuar nga ajo kohë është se, duke mos lejuar të ngjallet ideja e tjetrit, jo e kundërshtarit, por e tjetrit që ka një mënyrë ndryshe të të menduarit dhe që për këtë arsye duhet zhdukur, është krijuar një raport i keq mes njëri-tjetrit në jetën politike dhe sociale. Tjetri vijon të konsiderohet armik dhe kjo ka sjellë degjenerim publik.

Kjo është e thellë dhe lidhet me fatkeqësinë e madhe që një komunist ultrafanatik u kthye në konservator, me metodën e së njëjtës parti. I vetmi njeri që e ka rrezatuar atë energji është ai që nuk po ia them emrin, për respekt ndaj vetes, sepse linçimet në parti kanë vijuar me të njëjtën metodë: rrahjen e kundërshtarit dhe futjen në familjen e tjetrit.

Dhuna që e karakterizonte atë sistem u transfuzua në këtë fazë nga ai atje (Berisha)”, – tha Rama./CNA





Lajmet e fundit nga