web counter
LEXO PA REKLAMA!

SHKARKO APP

App Store
Google Play

E fundit!

x

"Çdo sjellje që shkel etikën cenon besimin e qytetarëve"/ Peleshi reagon për kaosin në seancë

18 Dhjetor 2025, 12:54, Politikë CNA

"Çdo sjellje që shkel etikën cenon besimin e

Kryetari i Kuvendit të Shqipërisë, Niko Peleshi, ka reaguar në rrjetet sociale pas kaosit të shkaktuar nga opozita në seancën plenare.

Në reagimin e bërë, Peleshi shkruan se çdo sjellje që shkel etikën cenon përfaqësimin dhe besimin e qytetarëve.

Peleshi shprehet se detyra e Parlamentit është të bashkëpunojë për një zgjidhje në të mirë të vendit dhe jo të krijojë kaos.

Kryeparlamentari ka shprehur mirënjohjen e tij për Gardën e Republikës dhe stafin e Kuvendit.

 

Reagimi i Peleshit

 

Kuvendi i Shqipërisë nuk është thjesht një vend debatesh, por institucioni ku fjala dhe sjelljet e deputetëve duhet të mbajnë e dëshmojnë peshën e përgjegjësisë dhe t’u shërbejnë mirëkuptimit, jo përçarjes. Çdo sjellje që shkel etikën, respektin dhe rregullat e funksionimit të Kuvendit dëmton rëndë dinjitetin, cënon përfaqësimin dhe besimin e qytetarëve. Detyrimi ynë është të bashkëpunojmë për zgjidhje në të mirë të vendit, të zhvillojmë dialog serioz, jo të krijojmë kaos.

Mbi interesin politik qëndron interesi i shtetit. Asnjë forcë politike nuk mund të pretendojë se përfaqëson e vetme të vërtetën dhe asnjë ndarje partiake nuk duhet të na bëjë të harrojmë se të gjithë shërbejmë për të njëjtin vend dhe për të njëjtët qytetarë. Institucionet e Republikës janë vlerë e përbashkët, jo arena për beteja personale apo partiake. Ruajtja, forcimi dhe respektimi i tyre është përgjegjësi që na bashkon përtej ndarjeve tona politike. Vetëm kur e vëmë shtetin mbi partinë, mund të ndërtojmë një Shqipëri më të fortë për brezat që vijnë. Respekti për Kuvendin është respekt për Republikën, respekt për qytetarët.

Mirënjohje për punonjësit e Gardës së Republikës dhe të shërbimeve të Kuvendit, për korrektesën dhe përgjegjësinë në kryerjen e detyrës.





Lajmet e fundit nga