web counter
LEXO PA REKLAMA!

SHKARKO APP

App Store
Google Play

E fundit!

x

“Protestat nuk duhet të jenë simbolike”/ Demokratja: Çdo deputet të ketë pas vetes nga 100 njerëz

17 Dhjetor 2025, 22:38, Politikë CNA

“Protestat nuk duhet të jenë simbolike”/ Demokratja:

Demokratja Ilirjana Kuçana tha sot se që të jenë të efektshme, protestat e Partisë Demokratike nuk duhet të jenë simbolike, por të por të qëndrueshme dhe të vazhdueshme.

E ftuar në A2 CNN, Kuçana tha idenë se më e pakta që mund të bëhet nga secili deputet për të mbështetur protestën, është të sjellë nga 100 njerëz.

“I jam drejtuar personalisht zotit Noka duke i thënë se është detyra juaj të ngrini grupe pune ku çdo deputet duhet të sjellë 100 njerëz jashtë strukturës së Partisë Demokratike. Nëse një deputet nuk i ka 100 njerëz pas vetes, nuk e meriton të jetë deputet.

Çdo anëtar i Këshillit Kombëtar duhet të sjellë minimalisht 50 persona, duke nisur nga familja dhe rrethi shoqëror.

Kjo është minimalja që duhet të bëjmë për Partinë Demokratike dhe për Shqipërinë. Shqipëria ndodhet në një udhëkryq dhe në një moment shumë delikat. Ne kemi borxh jo vetëm ndaj demokratëve, por edhe ndaj gjithë shqiptarëve për t’u kthyer shpresën.

Protestat nuk duhet të jenë simbolike, por të qëndrueshme dhe të vazhdueshme, duke shtuar se është e gatshme të qëndrojë në protestë deri në largimin e kryeministrit Edi Rama.

Kam kërkuar që të mos jenë protesta ku shkojmë dhe ikim, por protesta ku qëndrojmë. Unë jam e gatshme të qëndroj bashkë me njerëzit e mi deri në ikjen e Edi Ramës”,-tha Kuçana./CNA

 





Lajmet e fundit nga