web counter
LEXO PA REKLAMA!

SHKARKO APP

"Një anëtar i kooptuar i kryesisë organizoi takim me Suel Çelën, e kemi vërtetuar"/ Berisha, për takimet e Salianjit

17 Dhjetor 2025, 13:09, Politikë CNA

"Një anëtar i kooptuar i kryesisë organizoi takim me Suel

Kryetari i Partisë Demokratike, Sali Berisha, në konferencën e tij për mediat u pyet edhe për takimet që po zhvillon Ervin Salianji.

Berisha tha se një anëtar i kooptuar i Partisë Demokratike organizoi takim me kreun e njërit prej karteleve më të rrezikshme në Europë, Suel Çelën.

Kryedemokrati deklaroi se takimi me Çelën është konfirmuar nga disa informacione.

Më tej, Berisha tha se Salianji ka kaluar vijën e kuqe dhe nuk ka asnjë formë bashkëpunimi mes tij dhe PD-së.

 

Në të gjithë karrierën time politike dhe në ditët më të vështira nuk kam bërë dhe nuk bëj kompromis me krimin.

Një anëtar i korruptuar i kryesisë organizoi takim me Suel Çelën, kreun e njërit prej karteleve më të fuqishme në Europë. Kjo është absolutisht e papranueshme dhe kurrë nuk mund të kalojë. Ai që ndërmerr një veprim të tillë kalon vijën e kuqe dhe nuk ka asnjë formë bashkëpunimi. Sa i përket takimit, kemi pasur informacione që pohojnë se Çela ka qenë organizator në hije i këtij takimi. Përshëndes të gjitha struktutrat e PD-së që braktisën këtë formë bashkëpunimi”, tha Berisha.CNA





Lajmet e fundit nga