web counter
LEXO PA REKLAMA!

SHKARKO APP

App Store
Google Play

Rama: Teknologjia do t’i bëjë tenderët të pandikueshëm nga subjektivizmi

16 Dhjetor 2025, 11:11, Politikë CNA

Rama: Teknologjia do t’i bëjë tenderët të

Kryeministri Edi Rama foli në Konferencën për të Drejtën e Informimit për teknologjinë dhe auditueshmërinë.

Rama u shpreh se teknologjia në rastin e prokurimeve publike do të bëjë një përshpejtim të procesit dhe do ta bëjë të pandikueshëm nga subjektivizmi.

Më tej shtoi se nëse më vonë duhet bërë një auditim manual i tenderëve, do të ketë edhe dokumente në dispozicion.

“Kemi bërë progres të mjaftueshëm për të thënë se mund të bëjmë më shumë progres. Dua t'i referohem edhe një gjëje të lidhur me teknologjinë me auditueshmërinë. Ka një keqkuptim shumë të madh lidhur me auditueshmërinë. Keqkuptim që e kam parë edhe jashtë botës sonë, kur kam ndjekur komente të ndryshme nga autoritete të larta të teknologjisë lidhur me ministren 'Diella'. Fakti është shumë i thjeshtë, teknologjia në rastin e prokurimeve publike do të bëjë një përshpejtim të procesit dhe do ta bëjë të pandikueshëm nga subjektivizmi, që nga mbledhja e dokumenteve te vlerësimi me autenticitet i dokumenteve.

Cilido të dojë të verifikojë manualisht procesin me dokumente do t'i ketë dokumentet në dispozicion. Në rast se projekti do të jetë i suksesshëm do të jetë një inovacion teknologjik i jashtëzakonshëm botërisht. Po punojmë dhe me Microsoft dhe ekspertë të tjerë. Teknologjia është bekimi më i madh i kohës për vende si yni, prandaj mund të bëjmë kapërcime epokale dhe të synojmë gjëra të paimagjinueshme. Shumica e shërbimeve janë online dhe përmbushen online”, tha Rama ndër të tjera. /CNA





Lajmet e fundit nga