web counter
LEXO PA REKLAMA!

SHKARKO APP

App Store
Google Play

E fundit!

x

U zgjodh Avokat i Popullit/ Berisha: Shabani ditën paraqitej si i opozitës, natën flirtonte me Ramën

15 Dhjetor 2025, 14:53, Politikë CNA

U zgjodh Avokat i Popullit/ Berisha: Shabani ditën paraqitej si i

Sot në selinë e PD-së është zhvilluar mbledhja e grupit parlamentar. Kreu i PD-së, Sali Berisha, komentoi sërish zgjedhjen e Endrit Shabanit si Avokat i Popullit.

Sipas Berishës, Shabani u zgjodh duke shkelur çdo procedurë, kushtetuese dhe ligjore.

Ai theksoi se Shabani paraqitej ditën si opozitar dhe natën flirtonte me kryeministrin Edi Rama.

“Edi Rama faktoi dhe provoi zero tolerancën e tij ndaj balancës dhe kontrollit të pushteteve. Edi Rama faktoi dhe provoi se ai është i aftë të përmbysë gjithçka qoftë dhe për një përqindje minimale pushteti që duhej të ndante, siç është rasti i Avokatit të Popullit.

Jo në interes të opozitës, por në interes të funksionimit të këtij institucioni në atë frymë të besueshmërisë së atij institucioni para qytetarëve shqiptarë.

Prej dy vitesh mban peng këtë proces dhe në fund në mënyrën më të vendosur, grabiti dhe emëroi njeriun e tij.

Emëroi një kryetar partie që ditën paraqitej si i opozitës, dhe natën flirtonte direkt me të.

Por e emëroi duke shkelur çdo procedurë, kushtetuese dhe ligjore, e emëroi pasi të gjitha firmat e dhëna për të, jo për t'u zgjedhur, por për t'u listuar në listën e kandidatëve që do shqyrtoheshin, që do shqyrtonte Komisioni i Ligjeve. Firma të cilat u hoqën një e nga një nga firmëtarët, po me firmë që kishin firmosur. Siç është e drejta e çdo njeriu të propozojë dhe të tërheqë propozimin e tij.

U propozua me shkrim e firmë, u tërhoq me firmë.

Dhe Edi Rama zgjodhi pikërisht atë, duke shkelmuar praktikën e mëparshme, por të themi edhe disa detyrime që rrjedhin nga procesi i integrimit të Shqipërisë, megjithëse ai siç keni konstatuar vetë, kriteret dhe standardet europiane i përcakton vetë. Nuk pyet për ato që vijnë nga Brukseli të përcaktuara.

E kam thënë dhe e them përsëri, ato firma ishin një gabim, ishin një nxitim i cili ndodhi në një klimë kur me këtë parti u vendos një lloj bashkëpunimi apo koalicioni gjatë garës elektorale në Tiranë.

Por prapë është kërkuar ndjesë publike dhe është quajtur gabim”, tha Berisha./ CNA





Lajmet e fundit nga