web counter
LEXO PA REKLAMA!

SHKARKO APP

App Store
Google Play

E fundit!

x

Dalin detajet nga mbledhja e Kryesisë së PD-së

14 Dhjetor 2025, 18:28, Politikë CNA

Dalin detajet nga mbledhja e Kryesisë së PD-së

Detaje të reja janë zbardhur nga mbledhja e Kryesisë së Partisë Demokratike. Në debatet e shumta, deputeti Flamur Noka ka akuzuar Ervin Salianjin, si njeri të lidhur me bandat dhe se janë grupe të caktuara kriminale ato që e drejtojnë ish-deputetin.

Në mbledhjen e kryesisë, deputeti Edi Paloka në mënyrë të drejtpërdrejtë i ka theksuar Salianjit se Ergys Agasi nuk mund ta drejtojë Partinë Demokratike. Salianji është parë në takime me Agasin, i cili cilësohet një nga mëkëmbësit apo njerëzit hije të kryeministrit Edi Rama.

Gjithashtu, Noka ka theksuar në mënyrë të drejtpërdrejtë se ish-deputeti është një njeri i lidhur me bandat kriminale dhe Suel Çelën.

Këtë në fakt sot e ka konfirmuar dhe Çim Peka, i cili në një postim të tij ka treguar se Ervin Salianji kohë më parë në një takim mes tyre i ka thënë: “Çunat” ne Elbasan, në fund shkojnë me qeverinë, Thjeshtë i rrisin pazarin Ramës duke premtuar në takime të fshehta me “eksponent të opozitës”, mbështetje për opozitën.

Dalin detajet nga mbledhja e Kryesisë së PD-së
Postimi i Çim Pekës

 

Noka ka theksuar se Suel Çela ka telefonuar njerëzit që të mos shkojnë në foltoren e Berishës, por të mbushin sallën e Salianjit. Duke akuzuar në mënyrë të drejtpërdrejtë se është peng i krimit dhe krimi s'mund ta drejtojë Partinë Demokratike, akuzat ndaj Salianjit të hedhura në mbledhjen e kryesisë së PD-së kanë qenë mjaft të ashpra.

Këto akuza vijnë menjëherë pasi Salianji, në kulmin e debatit politik të Partisë Demokratike me qeverinë në lidhje me çështjen Balluku, filloi takimet me demokratët, ku në vend që të sulmojë qeverinë apo të bënte opozitë, filloi sulmet ndaj Partisë Demokratike dhe drejtuesve të saj.

Flamur Noka ka qenë mjaft i ashpër me akuzat e hedhura ndaj Salianjit, në fakt një pjesë e tyre duken të vërteta pasi po artikulohen edhe më shpesh edhe nga gazetarë dhe njerëz që e njohin dhe kanë qëndruar afër Salianjit.

Salianji njihet për marrëdhëniet me njerëz të botës së krimit, pjesë e së cilës kanë qenë bashkëpunëtorë të Salianjit edhe në zgjedhjet parlamentare të vitit 2021 kur ai ishte kandidat në qarkun e Korçës.

Qëllimi i ish-deputetit të PD-së, njeriut të dënuar për mashtrim tashmë duket qartë: kërkon të marrë një post në drejtimin e PD-së. I ka kërkuar Sali Berishës në takim kohë më parë, pozicionin e Sekretarit të Përgjithshëm të PD-së meqenëse ka bërë dhe burg, për një mashtrim të cilin e inskenoi të gjithin vetë.

Me sa duket skenarët e krimit shkojnë deri tek Salianji dhe tashmë bandat janë ato që po e dirigjojnë ish-deputetin e PD-së, i cili thuhet se negociatat e tij kryesore i ka bërë në burgun e Fierit duke qenë bashkë me drejtorët e famshëm të Bashkisë Tiranës të dosjes "5D".

Salianji duket i qartë në aksionin e tij politik, një turbullirë brenda opozitës për të tërhequr vëmendjen nga pushteti i Ramës. Dhe misioni vazhdon.

Tashmë dalin lidhjet me bandat, miqësitë me drejtorët e 5D-së dhe gjithçka tjetër, e cila është artikuluar hapur në mbledhjen e kryesisë së Partisë Demokratike nga Flamur Noka, por sot nuk ka munguar dhe gazetari Çim Peka i cili është një nga gazetarët kryesorë të opozitës që më në fund po artikulon në mënyrë të drejtpërdrejtë akuzat ndaj Salianjit, të cilat në fakt nuk janë të parat.

Akuza të vërteta, apo ndoshta pak të vonuara? /CNA





Lajmet e fundit nga