E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Çim Peka: Salianji bën pazar me bandat, Grida ja tha Bashës

14 Dhjetor 2025, 15:03, Politikë CNA

Gazetari Çim Peka ka komentuar sot situatën në Partinë Demokratike për rastin e krijuar së fundmi me Ervin Salianjin.

Përmes një postimi në rrjetet sociale, Peka shprehet se Salianji po bashkëpunon me bandat, përmes takimeve të fshehta me “eksponentë të opozitës”, duke pretenduar se mbështet opozitën, duke i përmendur edhe një emër që ka vepruar me Lulzim Bashën.

Peka thekson se kjo nuk është mënyra sesi duhet të bëhet rinovimi i PD-së, për të ikur nga idiotët e padobishëm dhe kalamajtë e pazareve të vogla.

"Ervin, guida jote nëpër salla duket që është për të mbajtur Mulin dhe jo për ta larguar.
Tani, së pari, duhet të sqarosh se pse ti dhe Alimehmeti morët deputetë të PD-së në telefon për të siguruar firmat për Endri Shabanin?

Së dyti, a e kemi diskutuar bashkë, para se të dënoheshe, kur takoje “çunat” në Elbasan, se ata në fund shkojnë me qeverinë. Thjesht i rrisin pazarin Ramës, duke premtuar në takime të fshehta me “eksponentë të opozitës” mbështetje për opozitën.

Mbaj mend që edhe Grida pati deklaruar se kishte informuar kryetarin Basha që disa “banditë” ishin gati të ndihmonin PD-në, por Basha kishte refuzuar.

Se pse kanë besim tek ju si dyshe banditët që mund të negocioni, nuk e di, por di që në fund ata shkojnë me qeverinë. Shto faktin se ti bëre burg të padrejtë se denoncove një bandit; si mund të presësh që të ndihmojnë ata opozitën kundër Ramës!?

Ti mendon vërtet që TV-të me kriminelë që ka sot tregu, Top Channel me Gridën që i bën makiazh Belinda Ballukut në tunel për tunelin, pas denoncimit që i kishte bërë Ahmetaj aferës, pa i bërë asnjë pyetje për aferën, apo intervistat me anëtarët e “Metamorfozës” pa bërë një pyetje për përfshirjen e tyre në zgjedhje — pra, ti mendon vërtet që ky TV kriminal dhe gjobëvënës i Ramës dhe bandave po mendon për rinovimin e PD-së!?

Nuk je kaq naiv.

Kemi diskutuar bashkë pa fund për problemet që ka PD-ja. I kam artikuluar në studio edhe kur të kisha të ftuar dhe ti vetëm dëgjoje. Por problemet e PD-së nuk zgjidhen duke kërkuar vota për Shabanin dhe pastaj duke i sulmuar deputetët pse ta dhanë ty firmën për Shabanin.

A është PD sot një parti e ç’organizuar? Patjetër.
Përderisa deputetët lihen të lirë të firmosin edhe për “çokët” e tu apo të të tjerëve, pa një linjë politike të qartë.

A duhet një orë e më parë që PD të ndryshojë bankën? Që dje.
Por idiotët e padobishëm nuk zëvendësohen me kalamaj kafenesh e pazareve të vogla.

Shikoni paradoksin:
Ju që dje kërkonit ekzekutimin jo vetëm politik të Berishës, sot doni me çdo kusht ta mbani aty, se pa të shkriheni të gjithë, por të largoni Gazin, Mulin dhe Albanën e të vini ju.

Kështu bëhet rinovimi i PD-së?

Ajo parti ka nevojë më shumë se kurrë t’u drejtohet universiteteve, t’u hapë dyert të rinjve dhe të ikë nga idiotët e padobishëm dhe kalamajtë e pazareve të vogla. Po nuk e bëri dot këtë Sali Berisha, me ty Ervin, me Mulin dhe formatin tuaj, do të kthehet si partia e Tomës.

Do të ekzistojë sa të jetë i pari gjallë. Pa të, për ju të tjerët, shkrihet, njëlloj siç kërkonte Grida dikur në mbledhje grupi",-shkruan Peka./CNA