web counter
LEXO PA REKLAMA!

SHKARKO APP

App Store
Google Play

“Jemi në një realitet të zymtë”/ Berisha: Rruga e vetme janë protestat

13 Dhjetor 2025, 13:45, Politikë CNA

“Jemi në një realitet të zymtë”/ Berisha: Rruga

Kreu i PD-së, Sali Berisha, në mbledhjen e Kryesisë së PD-së është shprehur se Shqipëria është në një realitet të zymtë dhe që vendi të dalë nga kjo rruga e vetme janë protestat.

“Edi Rama duket se duhet me çdo kusht të kishte atë me të cilin ishte marrë vesh. Ju garantoj se nuk ka asnjë vështirësi të realizojë skenarin që realizoi me të parin. Nuk duhet të kemi iluzion. Përpjekja ndërkombëtare ishte e drejtë që qeveria të mos kapë kreun e SPAK-ut.

Problemi është pse Rama do ta kapë me çdo kusht. Kështu që shpresa se do të luftohet korrupsioni nga drejtësia e re shuhet, kjo është e para ministre në detyrë që akuzohet për korrupsion.

Asnjë nuk ka qenë, kjo po. Dhe urdhëroni se çfarë bëri para shqiptarëve. Ky është një poshtërim për çdo shqiptar. Ky u thotë shqiptarëve se unë vjedh, ministrat e mi vjedhin, por ata nuk mund të gjykohen.

Për shkak të tij, dy ditë më parë u zhvillua ofensiva diplomatike më e madhe që kam parë ndonjëherë për të siguruar zgjedhjen e kryetarit të Prokurorisë Speciale, çka të bën me të drejtë të mendosh se Edi Rama duket se kishte bërë gjithçka të zgjidhte njeriun që ai ka bërë marrëveshje për mbylljen e dosjes së tij.

Sepse e vërteta është se Dumani mbylli disa dosje të Edi Ramës, kjo është e pamohueshme. Dumani mbylli dosjen e Edi Ramës, duke akuzuar Arben Ahmetajn për djegësin e Tiranës, të cilin ai e kishte kundërshtuar 4 herë, megjithëse e kishte firmosur Edi Rama.

Dumani mbylli dosjen 'Alabar', dhe shqiptarët do ta marrin vesh mirë se çfarë krimi në përmasa gjigante po kryhet me portin e Durrësit, çfarë goditje e rëndë po i jepet çdo shqiptari me portin e Durrësit, për aq sa ka peshë transporti i mallrave në çmimin e tyre.

Pa llogaritur vjedhjet e tmerrshme që po bëhen. Dumani mbylli dosjen e Olsi Ramës, e nxori tjetër. Pra, Edi Rama duket se duhet me çdo kusht të kishte atë me të cilin ishte marrë vesh. Por ju garantoj se nuk ka asnjë vështirësi të realizojë skenarin që realizoi me të parin. Nuk duhet të kemi iluzion.

Pra, përpjekja ndërkombëtare ishte shumë e drejtë, që qeveria të mos kapë kryetarin e Prokurorisë Speciale. Por problemi nuk është aty, problemi është se pse Edi Rama do ta kapë me çdo kusht atë.

Ne jemi para një realiteti shumë të zymtë. Një realitet në të cilin vjedhja e shqiptarëve nuk ka më frena. Është licencë. Se kjo që bëri me pezullimin e pezullimit, gjykata mori përsipër Apelin dhe Gjykatën e Lartë dhe të pezullojë masën e sigurisë.

Imagjinoni ju tani se çfarë i mbetet themelit. Nuk ka akt më të rëndë ndaj taksapaguesve shqiptarë sesa ky. Nuk ka veprim më dëshpërues se ky. Nuk ka veprim më poshtërues se ky nga Edi Rama.

Ndaj dhe kemi vetëm një rrugë, dhe kjo është rruga e protestave. Kjo është rruga e protestës. Duhet të flasin qytetarët me protestën e tyre. Sa janë ata që duan të flasin me protestën e tyre?

1 mijë? Ne në krye.

2 mijë? Ne në krye.

300? Ne aty.

Por rrugë tjetër nuk ka. Të gjitha rrugët e tjera janë rrugë zjarrfikësish. Duhet t’i shohim gjërat siç është. Ne nuk bëhemi kurrë zjarrfikës”, tha Berisha./ CNA





Lajmet e fundit nga