web counter
LEXO PA REKLAMA!

SHKARKO APP

App Store
Google Play

E fundit!

x

Paçavurja e firmave/ Klodian Tomorri: Suficiti i budallallëkut në PD në nivele vetasgjësuese

12 Dhjetor 2025, 10:48, Politikë CNA

Paçavurja e firmave/ Klodian Tomorri: Suficiti i budallallëkut

Gazetari Klodian Tomorri ka kritikuar ashpër Partinë Demokratike duke theksuar se ka kaluar nga një parti me figura si Ridvan Bode, Genc Ruli, Majlinda Bregu, Flor Mima dhe Selami Xhepa, në një parti ku i gjithë grupi parlamentar thotë se u gënjye nga Rama për të firmosur për Avokatin e Popullit.

Gazetari nënvizon se deficiti intelektual nuk prek vetëm disa individë, por strukturën e gjithë elitës drejtuese, duke e bërë këtë problem të vështirë për t’u zgjidhur në çdo fushë, nga ajo fiskale te dija.

Tomorri shton se PD duke pasur asete si Ledi Bianku, gjyqtar në Strasburg, profesionist i jashtëzakonshëm, pa asnjë cen në integritet për ta kandiduar si Avokat Populli bën paçavuren e firmave, që tregon se suficiti i budallallëkut në PD është në nivele vetasgjësuese.

“Problemi është se kaluam nga PD-ja e Ridvan Bodes, Genc Rulit, Majlinda Bregut, Flor Mimës, Selami Xhepës etj., etj., te PD-ja ku gjithë Grupi Parlamentar thotë na gënjeu Rama për të firmosur.

Ajo që i tha Cim Peka Berishës për diferencën e madhe intelektuale nuk është e vërtetë vetëm për dyshin, por është e vërtetë kapilarisht për të gjithë strukturën drejtuese të partisë.

Dhe deficiti intelektual në elitën e PD-së është bërë strukturor. Pra, nuk është thjesht që ka ca kokrra që edhe s’kuptojnë shumë, por që s’prishin punë në panoramën e madhe.

Deficitet strukturore janë shumë të vështira për t’u çrrënjosur. Në çdo fushë. Nga ajo fiskale deri te dija.

Unë nuk e dija, por një mik po më thoshte dje që Ledi Bianku qenka afër PD-së. Tani a kishte ky vend kandidat më të përsosur se Ledi Bianku për Avokat Populli? Po nuk ka. Nuk e gjen dot.

Gjyqtar në Strasburg, profesionist i jashtëzakonshëm, pa asnjë cen në integritet.

Të kesh një aset kështu dhe të bësh atë paçavuren e firmave që bënë këta do të thotë që suficiti i budallëkut në PD është në nivele vetasgjësuese", u shpreh Tomorri./ CNA





Lajmet e fundit nga