web counter
LEXO PA REKLAMA!

SHKARKO APP

App Store
Google Play

E fundit!

x

“Rama tha o Shabani, o s’ka”/ Berisha: Ka lidhje kryekëput me mazhorancën, nuk bën për Avokatin e Popullit

11 Dhjetor 2025, 13:56, Politikë CNA

“Rama tha o Shabani, o s’ka”/ Berisha: Ka lidhje

Kreu i Partisë Demokratike, Sali Berisha, shpjegoi sot gjerësisht arsyen që shtyp opozitën të dalë kundër kandidaturës së Endri Shabanit për Avokatin e Popullit.

Në një deklaratë për gazetarët, Berisha tha se Shabani është një person që ka lidhje kryekëput me mazhorancën dhe kryeministrin Edi Rama, pavarësisht se mbështeti opozitën për Florjan Binajn në garën për Tiranën.

“Ai mbështei Binajn se ishte koalicion i fortë moral, por dolën një sërë problemesh. Ai që kishte atë fjalor si opozitar, por ishte një person me lidhje kryekëput me Edi Ramën. Ky nuk është vetëm mendimi ynë, por edhe i faktorëve të palidhur me opozitën, që ishin dhe janë se Avokati i Popullit të jetë një person i besueshëm, me kredenciale dhe me integritet të lartë. Më së paku, ai është kryetar i një partie, por ata dhe Komisioni i Ligjeve vendosën që deputetët nuk do të kenë të drejtë të firmosin për më shumë se një anëtar. Prandaj dërguan shkresë për tërheqje firmash. Në mënyrë të habitshme, ky vendim u hodh poshtë nga mazhoranca nga asnjë vendim. PS e bëri këtë sepse humbisnin firmat e Shabanit. Nuk ka asnjë marrëveshje për emrin e tij. Aty kanë qenë 27 kandidatura, ishte thjesht një mbështetje për t'u paraqitur në garë dhe për t'u përzgjedhur. Nga ata, PD do të mbështeste 6 persona, Ndregjonin dhe Kalanë më së pari. Ne këtë e kemi bërë publike. Ia kemi bërë të qartë edhe PS-së. Rama që është në grahmat e fundit të pushtetit të tij dhe tha o Shabani, o s’ka”,-deklaroi Berisha./CNA





Lajmet e fundit nga