web counter
LEXO PA REKLAMA!

SHKARKO APP

App Store
Google Play

Përplasjet për Avokatin e Popullit/ Noka: Kandidati i PS-së do të mbrojë vetëm Surrelin dhe partinë

11 Dhjetor 2025, 12:35, Politikë CNA

Përplasjet për Avokatin e Popullit/ Noka: Kandidati i PS-së do

Deputeti demokat, Flamur Noka, tha sot se kandidati që synon mazhoranca për të marrë detyrën e Avokatit të Popullit është vetëm për t’i shërbyer PS-së dhe kryeministrit Edi Rama.

Gjatë fjalës së tij në Kuvend, Noka u shpreh se opozita nuk e njeh Endri Shabanin si kandidat dhe se PD-ja ka një qëndrim të qartë mbi këtë çështje.

“Më datë 2 dhjetor, pasi Komisioni i Ligjeve vendosi që nuk mundet një deputet të firmosë më shumë se një emër, Grupi Parlamentar ka dërguar një kërkesë për tërheqjen e të gjitha firmave për çdo pretendent për kandidat.

Ju doni 'lepurin e Surrelit', sepse duhet t'i bëjë avokatin Surrelit dhe partisë dhe jo Avokatin e Popullit. Është çështje juaja, zgjidhni ju, por jo ne. Avokati do të jetë i partisë dhe i Surrelit, por nuk është Avokati i Popullit.

Edi Rama ju ka urdhëruar të rrëmbeni çdo gjë, ju nuk njihni limit, ju rrëmbeni para, rrëmbeni taksa, rrëmbeni njerëz dhe zhdukni.

Opozita nuk e njeh 'lepurin e Surrelit', Endri Shabani, si kandidat të mbështetur nga ajo”,-tha Noka./CNA





Lajmet e fundit nga