web counter
LEXO PA REKLAMA!

SHKARKO APP

App Store
Google Play

Firmat për Avokatin e Popullit/ Korreshi-Shalsit: Vendim i përbashkët i PD-së, hape ndonjëherë televizorin

11 Dhjetor 2025, 12:02, Politikë CNA

Firmat për Avokatin e Popullit/ Korreshi-Shalsit: Vendim i

Deputeti demokrat, Saimir Korreshi, është përplasur sot me deputetin socialist Eduard Shalsi, lidhur me një deklaratë të bërë mbi firmat e opozitës për Avokatin e Popullit.

Në fjalën e tij në Kuvend, Korreshi u shpreh se u qëndron deklaratave të tij të mëparshme dhe se firmat janë mbledhur pa nisur ende mirë seanca e parë për shqyrtimin e kandidatëve.

Sipas Korreshit, firmat e opozitës janë tërhequr si një vendim i përbashkët, për të dalë në një emër konsensual me mazhorancën.

“Po i drejtohem Shalsit, meqë më qenka referuar. Shals, se po të drejtohem kështu. Punët e brendshme janë të brendshme, por e mira është që ta hapësh ndonjëherë edhe televizorin nga fillimi e deri në fund, që ta dëgjosh tamam kontekstin me të cilin unë jam shprehur. Unë mbaj përgjegjësi për të gjitha firmat e mia, që i kam hedhur. Përderisa nuk ka pasur një vendimmarrje grupi mund t'i hidheshin firmat kujtdo kandidati që ne të mos kishim përplasje dhe të mos bëheshim keq me askënd. Kështu e kam thënë e do të vazhdoj ta them. Edhe nëse ka pasur një lidhje miqësore, familjare, shoqërore, mund të jepej firma. Firmat janë marrë pa kaluar akoma në seancën e parë, për të parë nëse kanë të dhënat e duhura. Në atë moment është reaguar. Kemi tërhequr firmat për t’iu nënshtruar një procedure. Janë tërhequr të gjitha firmat, që të zgjidheshin me konsensus”,-tha Korreshi./CNA





Lajmet e fundit nga