web counter
LEXO PA REKLAMA!

SHKARKO APP

App Store
Google Play

Rama: Shumë shpejt, procesi i prokurimeve publike kalon në duart e IA-së

11 Dhjetor 2025, 11:27, Politikë CNA

Rama: Shumë shpejt, procesi i prokurimeve publike kalon në duart e

Kryeministri Edi Rama ishte sot i pranishëm në aktivitetin “30 vjet Prokurime Publike-Shqipëria, lider rajonal në modernizimin e sistemeve të prokurimit” që zhvillohet në Tiranë.

Në fjalën e tij, Rama u ndal te procesi i deritanishëm, që e konsideroi si një rezultat të mirë që ka ardhur nga një punë e jashtëzakonshme.

Rama theksoi se në ambiciet dhe synimet e radhës është një punë e avancuar për të kaluar të gjithë procesin e prokurimeve në duart e IA-së, me përqindje të lartë që nuk përfshin njeriun.

“Nga këqyrja e të dhënave të reja nga procedurat e viteve të fundit, ka një dallim të dukshëm. Nuk është rastësi, por rezultat i një pune të jashtëzakonshme. Shqipëria të jetë një vend lider për efektivitetin dhe efikasitetin e prokurimeve publike. E nënvizuar plotësisht edhe në raportin për performancën e sistemit të prokurimit publik të rajonit, por edhe rezultat i gjithë sa thashë më lart. Dua ta theksoj se monitorimet e bëra nga instititucionet për llogari të BE-së nuk janë si shumica, që bazohen në perceptime publike, por në një ekspertizë dhe profesionistë që kanë një nivel të vëzhgimit dhe ambicies për të nxjerë në pah çdo kënetë që është sfiduese. Ne do të vazhdojmë reformën se duam jo vetëm të shkojmë më larg, por aq larg sa na çon bekimi i sotëm i teknologjisë dhe IA-së, që janë realisht dhurata të një kohe të re për vende si yni, ku gjithë prapambetja nga historia mund të kapërcehet me fuqinë e kapacitetit europian. Natyrisht që pa to afatet dhe ambiciet nuk do të ishin në këtë nivel. Jemi në proces të avancuar për të kaluar të gjithë procesin e prokurimeve në duart e IA-së me përqindje të lartë që nuk përfshin njeriun”,-tha Rama./CNA





Lajmet e fundit nga