web counter
LEXO PA REKLAMA!

SHKARKO APP

App Store
Google Play

Forumi Ekonomik i Tiranës/ Rama: Shqipëria, korridor zhvillimi nga veriu në jug

10 Dhjetor 2025, 11:57, Politikë CNA

Forumi Ekonomik i Tiranës/ Rama: Shqipëria, korridor zhvillimi nga

Kryeministri Edi Rama ishte këtë të mërkurë i pranishëm në Forumin Ekonomik të Tiranës.

Gjatë fjalës së tij, Rama u ndal te situata e sigurisë në Europë, duke e cilësuar Shqipërinë si një shtyllë stabiliteti mes luhatjeve të shumta që po ndodhin në kontinent.

Sipas Ramës, një sërë shndërrimesh të bëra së fundmi, e kanë kthyer vendin në një korridor zhvillimi nga të gjitha anët.

“Shqiptarët dhe grekët kanë pasur vështirësitë e tyre që të kuptojnë se gjeografia nuk është një shtrëngim, por që të jemi më të vetëdijshëm. Një forum idesh ku Shqipëria nuk po sheh më nga qoshja, por sheh me vetëbesim, largpamësi. Realiteti ka ndryshuar. Shqipëria nuk shihet më si një cep i largët në hartë, por si vend ku reformat ndodhin. Shndërrimet janë të përditshme, jo slogane. Në një Europë që po rimendon arkitekturën e saj të sigurisë, vendi ynë është si një shtyllë stabiliteti, një partner i besueshëm dhe një ekonomi në rritje. Kemi një sektor në rritje të turizmit, po shtyjmë transformimin digjital, duke ulur korrupsionin, duke forcuar shtetin, pagat po rriten dhe ka hapa shumë të mirë. Asgjë nuk ndodh si aksident, por përmes punës dhe historia jonë e rritjes nuk është sasiore, por cilësore. Dhe e themi me krenari. Investimet e huaja direkte në 2024 arritën 1.58 miliardë euro dhe tendenca vazhdon në rritje. Kapitali shkon aty ku ka stabilitet. Dhe kështu është Shqipëria, që po kthehet në një korridor zhvillimi nga veriu në jug”,-tha Rama./CNA





Lajmet e fundit nga