web counter
LEXO PA REKLAMA!

SHKARKO APP

App Store
Google Play

"Ligji vlen vetëm kur është në favor të qeverisë"/ Topalli: PS po emëron Avokatin e Pushtetit

9 Dhjetor 2025, 16:40, Politikë CNA

"Ligji vlen vetëm kur është në favor të

Deputetja e Partisë Demokratike, Jozefina Topalli ka bërë një reagim në rrjetet sociale për zgjedhjen e Avokatit të Popullit.

Në reagimin e bërë, Topalli shkruan se pas tërheqjes së fiurmave nga disa deputetë, procesi duhet të ishte ndalur, por PS ka vendosur të vazhdojë.

Demokratja shkruan se socialistët nuk po votojnë Avokatin e Popullit, por po voton një avokat të pushtetit. Topalli thotë se ligji vlen vetëm kur është në favor të qeverisë.

 

 

Reagimi i Topallit

 

Sot nuk po diskutojmë më për Avokatin e Popullit, por për mënyrën se si pushteti e kupton ligjin: si formalitet që zgjat deri sa t’i shërbejë, e hidhet tej sapo nuk i duhet më.

 

Disa deputetë kanë tërhequr firmat. Kjo, në çdo parlament normal, do të thoshte ndalim i menjëhershëm i procesit dhe rihapje e procedurës. Por jo këtu. Këtu mazhoranca vendos të ecë përpara sikur asgjë të mos ketë ndodhur, sepse kandidati është “i tyre” dhe ligji duhet t’i bindet vullnetit të PS-së, jo anasjelltas.

 

Ky nuk është vetëm një absurditet procedurial; është dhunim i vetë funksionit të Avokatit të Popullit. Si mund të mbrojë qytetarët një institucion që lind nga një proces i paligjshëm dhe i imponuar? Si mund të quhet i pavarur një kandidat që votohet me forcë, edhe kur bien firmat që e kanë sjellë këtu?

 

Sot PS nuk po voton një Avokat të Popullit. Po voton një avokat të pushtetit. Dhe ky është një mesazh i rrezikshëm: se ligji vlen vetëm kur firmat janë në favor të qeverisë — kur jo, shpërfillen. Ky është standardi i një pushteti që ka frikë nga çdo institucion i pavarur.





Lajmet e fundit nga