web counter
LEXO PA REKLAMA!

SHKARKO APP

App Store
Google Play

E fundit!

x

Projektligji për diasporën/ Zhupa akuzon qeverinë: Nuk e keni trajtuar siç duhet, kujtoheni vetëm për zgjedhje

9 Dhjetor 2025, 11:07, Politikë CNA

Projektligji për diasporën/ Zhupa akuzon qeverinë: Nuk e keni

Deputetja demokrate, Ina Zhupa, hodhi akuza se qeveria e drejtuar nga kryeministri Edi Rama nuk e ka trajtuar siç duhet diasporën.

Në fjalën e saj në Komisionin për Kulturën, Turizmin dhe Diasporën, teksa sot po diskutohet projektligji me ndryshime për diasporën, Zhupa tha se një nga faktet është edhe ndryshimi i vazhdueshëm i institucionit që e mban në përgjegjësi.

Zhupa tha se qeveria kujtohet për diasporën vetëm kur afrojnë zgjedhjet.

“Kam shqetësim më të thellë për mënyrën se si qeveria ‘Rama’ ka trajtuar diasporën dhe kjo duket qartë duke mos pasur kurrë një projekt se cili do të jetë institucioni që do të merret me diasporën. Mjafton të kujtoj disa fakte shumë të thjeshta, që sa herë ka pasur situatë zgjedhore të re, ka ndryshuar sistemi se kush do të merret me diasporën. Dhe unë këtu po flas si përfaqësuese e qeverisë dhe jo si individ. Në 2013-2017 u shpërbë Drejtoria e Diasporës në Ministrinë e Jashtme dhe u krijua Agjencia Kombëtare e Diasporës nën varësinë e kryeministrit dhe më pas u shkri. U krijua ministri i Shtetit për dipasorën dhe u shkri. U rikthye në varësinë e ministrisë një drejtori. Sa herë ka ndryshuar mandati, nuk e keni kuptuar se çfarë do të ndodhë me diasporën, por edhe se ku do të drejtohet diaspora për çështje juridike dhe politike. Imagjinoni një përfaqësues të diasporës në botë se çfarë vështirësie do të ketë. As chat GPT nuk e gjen dot”,-tha Zhupa./CNA

 





Lajmet e fundit nga