web counter
LEXO PA REKLAMA!

SHKARKO APP

App Store
Google Play

E fundit!

x

Foltorja/ Berisha: Gjenerata Z, në krye të betejës për liri të shoqërisë njerëzore

8 Dhjetor 2025, 19:19, Politikë CNA

Foltorja/ Berisha: Gjenerata Z, në krye të betejës për liri

Kryetari i PD-së, Sali Berisha ka marrë fjalën në foltoren para Kryeministrisë. Berisha e nisi fjalën e tij duke përshëndetur studentët e vitit 1990, të cilët sipas tij çelën dyert e lirisë për kombin.

Kryedemokrati e cilësoi gjeneratën Z si kryesuesen e betejës për liri të shoqërisë njerëzore. Ai tha se asokohe studentët nuk kishin një parti që i mbështeste, ndërsa shtoi se sot shqiptarët kanë PD-në të cilën e cilësoi si partia e idealeve të dhjetorit. 

“Një përshëndetje për studentët e 1990-ës, që të prirur nga Azem Hajdari ndanë epoka dhe çelën dyert e lirisë për kombin tonë. Çelën dyert për zgjidhjen e problemit të çështjes shqiptare. Këto dy vjet është shkruar dhe folur shumë për gjeneratën Z. Gjeneratë që përmbysën diktatura. Kjo gjeneratë është bërë zëdhënësja më e guximshme e idealeve dhe aspiratave të kohës. Është në krye të betejës për liri të shoqërisë njerëzore. Një grup i vogël studentësh në natën e 8 dhjetorit në 1990 dolën  në protestë në qytetin e tyre. U pritën në takim nga presidenti i asaj kohë që më pas ju rezervoi kërbaçin e sigurimit të shtetit. Një ditë më pas këta student mbushën rrugë, gjunjëzuan regjimin më të egër më shtypës të kohës. Sot pas 35 vitesh nuk jemi një diktaturë moniste. Studentët e asaj kohe nuk kishin një forcë politike që i mbështeste. Sot shqiptarët kanë një forcë politike, PD-në. Parti e idealeve të dhjetorit, që i mbijetoi përpjekjeve për ta zhdukur, e betuar për të kthyer votën e lirë dhë dinjitetin e interesin kombëtar të shqiptarëve”, tha Berisha. /CNA

 





Lajmet e fundit nga