web counter
LEXO PA REKLAMA!

SHKARKO APP

App Store
Google Play

8 Dhjetori/ Berisha, thirrje të rinjve: Ngrihuni për të përmbysur regjimin e shëmtuar

8 Dhjetor 2025, 12:02, Politikë CNA


Kreu i PD-së, Sali Berisha, u ka bërë thirrje të rinjve që të ngrihen të frymëzuar nga lëvizja studentore e 1990 dhe të përmbysin sa më parë këtë regjim të shëmtuar që po shkatërron Shqipërinë.

“Sot në Ditën e Rinisë Rama vjen si armiku më i vjetër i shqiptarëve. Me politikat e tij përzuri mbi 700 mijë të rinj dhe të reja. Edi Rama me ndihmën e Sorosit, mafias së ekstremit të majtë, bëri gjithçka për një Shqipëri pa opozitë për të varrosur pluralizmin politik dhe idealet e Dhjetorit '90.

Ato frymëzojnë sot çdo të ri shqiptar të qëndrojnë me guxim në mbrojtje të lirisë së tyre. Janë më të vendosur se kurrë të shporrin mafien dhe Ramduron që sot po i shket toka nën këmbë. Sot në këtë udhëkryq ku ndodhet Shqipëria shpresa për të përmbysur narkodiktaturën është gjenerata Z.

Kam besim se gjenerata Z e të rinjve shqiptarë do të përmbushë misionin e saj. U bëj thirrje të rinjve të ngrihen të frymëzuar nga dita e lirisë dhe të përmbysim sa më parë këtë regjim të shëmtuar që po shkatërron Shqipërinë”, tha Berisha./ CNA





Lajmet e fundit nga