web counter
LEXO PA REKLAMA!

SHKARKO APP

App Store
Google Play

Takimet e Salianjit/ Paloka: Kur të brohoret e duartroket armiku, shih një herë rrotull

6 Dhjetor 2025, 18:33, Politikë CNA

Takimet e Salianjit/ Paloka: Kur të brohoret e duartroket armiku, shih

Deputeti i Partisë Demokratike, Edi Paloka ka folur lidhur me takimin e Ervin Salianjit në Durrës. Në një dalje televizive, Paloka tha se koha dhe mënyra e zgjedhur nga Salianji për ta bërë këtë nuk ishin të duhurat për PD-në.

Ai shtoi gjithashtu më tej se kur të duartroket armiku, duhet të shohësh rrotull, pasi sipas tij kjo do të thotë se diçka nuk është mirë.

“Ndoqa pak takimin e Durrësit sepse isha kurioz se çfarë do të ofrohej, po dhe meqë në 2021 isha drejtues qarku aty. Brenda partisë kam 2 zgjidhje, kur nuk dëgjohesh ose do bësh një hap pas ose do të luftosh që të dëgjohesh. Unë më shumë kam bërë të parën nuk kam dalë shumë në sulm.

Nuk duhet të ketë çarje brenda PD, por do të pres edhe një javë pasi gjatë kësaj jave pres ndryshime. Nëse ti vë përpara interesin dhe ambicien tënde dhe shfrytëzon një situatë që nuk është me e mira për PD-në për të përfituar personalisht, kjo sigurisht nuk ka asnjë vlerë dhe asnjë të mirë për partinë.

Nga mënyra dhe koha e zgjedhur për të bërë këtë lëvizje, nuk mendoj se është e duhura. Madje të rinjve më “naivë” që vërtetë mund të kenë pasion doja t’u thoja, mjafton një parim: “Kur të brohoret e duartroket armiku, shih një herë rrotull”. Se i bie që diçka nuk e ke mirë”, tha Paloka. /CNA





Lajmet e fundit nga