web counter
LEXO PA REKLAMA!

SHKARKO APP

App Store
Google Play

Berisha garanton aleatët: Do të përcaktojmë së bashku sistemin zgjedhor që e konsiderojmë më të dobishmin

5 Dhjetor 2025, 14:03, Politikë CNA

Berisha garanton aleatët: Do të përcaktojmë së bashku

Kreu i Partisë Demokratike, Sali Berisha, ka garantuar aleatët politikë se PD do të bashkëpunojë për të përcaktuar sistemin zgjedhor që opozita e konsideron më të dobishëm.

Berisha rikujtoi historikun e ndryshimeve zgjedhore në Shqipëri që nga viti 1991, duke përfshirë sistemet mazhoritare, proporcionale dhe rajonale, dhe theksoi rolin e PD-së dhe PS-së në këto vendime. Ai u shpreh se nuk ka asnjë pretendim që opozita të vendosë vetëm, por kërkon një përzgjedhje të përbashkët me partnerët politikë.

“Unë dua t’ju garantoj për vullnetin e plotë të PD-së, të përcaktojmë së bashku atë sistem që ne si forca politike opozitare e konsiderojmë më të dobishmin.

Pra, pa asnjë lloj pretendimi që ne do të qëndrojmë në përzgjedhjen tonë pa mirëkuptimin dhe ujdinë me ju. Ne kemi përfaqësuesit tanë në komisionin e reformës elektorale, të cilët do të jenë avokatët e propozimeve tona, të ujdisura, të rëna dakord, që ne mendojmë se është sistemi më i përshtatshëm për zgjedhjet në Shqipëri.

Duke mos harruar kurrë një gjë, se me Edi Ramën zgjedhje nuk ka. Të gjithë ata që mendojnë ndryshe, ose kanë mungesë të kulturës elektorale ligjore, se nuk është mëkat të mos e kesh, ose pastaj janë me dashje ose pa dashje avokatë të një farse që realizon Edi Rama”, tha Berisha./ CNA





Lajmet e fundit nga