web counter
LEXO PA REKLAMA!

SHKARKO APP

App Store
Google Play

Raporti për 11 majin/ Ambasadori i OSBE-së, Tarran: Më të avantazhuar ishin kandidatët me funksione publike

5 Dhjetor 2025, 22:20, Politikë CNA

Raporti për 11 majin/ Ambasadori i OSBE-së, Tarran: Më të

Ambasadori i OSBE-së, Michel Tarran u shpreh sot lidhur me raportin e shumëpërfolur për zgjedhjet parlamentare të 11 majit.

Në një studio televizive, Tarran vuri theksin edhe një herë të gjetjet e raportit, duke u ndalur edhe te problematikat, për të cialt tha se vijnë për faj të spektrit politik shqiptar.

Sipas ambasadorit, aspekti më problematik i vënë re konsiderohet avantazhi ndaj disa kandidatëve që mbanin funksione publike.

“Raporti fillon duke thënë: Zgjedhjet janë organizuar në mënyrë shumë profesionale, duke respektuar pluralitetin e skenës politike, por ka akoma probleme siç është avantazhi i atyre kandidatëve që tashmë janë në pozicione të ndryshme.

Dua t’ju them që me të vërtetë ky problem ekziston kudo, ku një kandidat është në post dhe ka një avantazh me kandidatët e tjerë që vijnë.

Shpresoj që me rekomandimet e ODIHR, disa marra do të merren, psh legjislacioni si duhet të kufizohet përdorimi i administratës publike nga ata kandidatë që janë në pozicione të ndyrshme.

Ka punë për të bërë, mua më duket që hapi i parë është bërë, krijimi i komisionit bipartizan për reformën zgjedhore dhe kanë kërkuar ndihmën tonë dhe sigurisht që do të ndihmojmë edhe për legjislacionin.

Edhe njëherë më duhet të përsërish çfarë është shkruar në raport. Nuk është puna ime si kryetar i OSBE që të bëj një analizë apo vëzhgim të zgjedhjeve. Kjo është puna e ODIHR.

Do të përgjigjem në mënyrë të përgjithshme që është faji i spektrit politik shqiptar.

Edhe njëherë duke mos hyrë në debatin e brendshëm politik këto. Tani le të mos shikojmë mbrapa, por të shikojmë përpara. Të shpresojmë që ky komision që është krijuar do të funksionojë normalisht dhe ne jemi këtu për të ndihmuar dhe treguar shembullin e një vendi tjetër të suksesshëm. Të gjitha problemet me të cilat ju përballeni këtu, kanë ekzistuar dhe ekzistojnë edhe në vende të tjera, por ka edhe zgjidhje të këtyre problemeve”,-u shpreh Tarran./CNA

 





Lajmet e fundit nga