web counter
LEXO PA REKLAMA!

SHKARKO APP

App Store
Google Play

E fundit!

x

Samiti “Koha për të vendosur, Europa 2025”/ Rama: Shqipëria u çmua për qasjen ndaj marrëdhënieve ndërkombëtare

7 Dhjetor 2025, 10:02, Politikë CNA

Samiti “Koha për të vendosur, Europa 2025”/ Rama:

Kryeministri Edi Rama në rubrikën “Shënimet e javës” në podcastin e tij “Flasim”, përmendi dhe samitin “Koha për të vendosur, Europa 2025”, ku ai mori pjesë.

Rama u shpreh se ky samit trajton çështje kyçe lidhur me aktualitetin e të ardhmen e Europës. Në këtë samit, kreu i qeverisë tha se Shqipëria u vlerësua për rolin rajonal dhe qasjen ndaj marrëdhënieve ndërkombëtare. 

“Gjatë kësaj jave mora pjesë në Samitin “Time To Decide Europe 2025” – “Koha për të vendosur, Europa 2025”, një forum i nivelit të lartë, që trajton çështje kyçe lidhur me aktualitetin e të ardhmen e Europës. “Time To Decide Europe 2025” u zhvillua në një kohë kur Europa po përballet me sfida të shumanshme dhe paneli i tretë, që pata nderin të drejtoj, u fokusua tek sfidat me të cilat përballen shtetet e vogla në një botë ku rendi e rregullat e përbashkëta janë në krizë dhe në një Europë, ku lufta në Ukrainë po dikton një kthesë të paimagjinueshme, vetëm deri pak vite më parë, duke filluar nga riarmatimi masiv dhe jo vetëm. Krenari që përsëri Shqipëria u çmua për rolin rajonal e qasjen e saj ndaj marrëdhënieve ndërkombëtare. Jemi natyrisht një vend dhe një shtet shumë i vogël, por hap pas hapi po rrezatojmë një shembëlltyrë të respektuar nga të gjithë, në arenën ndërkombëtare”, tha Rama. /CNA





Lajmet e fundit nga