web counter
LEXO PA REKLAMA!

SHKARKO APP

App Store
Google Play

E fundit!

x

Foltorja para Kryeministrisë/ Cara: Fryma e dhjetorit të 1990 duhet të jetë thirrje për veprim

8 Dhjetor 2025, 18:48, Politikë CNA

Foltorja para Kryeministrisë/ Cara: Fryma e dhjetorit të 1990 duhet

Deputeti i PD-së, Igli Cara ka mbajtur fjalën e tij në foltoren para Kryeministrisë. Cara u shpreh se 8 dhjetori i 1990 solli ndryshime të mëdha, ndërsa shtoi se ndryshimet ndodhin kur qytetarët marrin përgjegjësi. Ai shtoi më tej se fryma e 1990, nuk duhet të jetë vetëm nostalgji por thirrje për veprim.

“Sot është një ditë e veçantë, 8 dhjetori. Është data që përjetësoi lëvizjen e studentëve të dhjetorit të vitit 1990. Është dita kur guximi i rinisë dhe etja e saj për liri kapërcyen hijet e frikës, duke sfiduar një epokë të gjatë izolimi.

Fati e desh të jem pjesë e asaj lëvizje. Çdo përvjetor më rikujton se ndryshimet e mëdha nuk lindin kurrë rastësisht. Ato lindin n kur qytetarët marrin përgjegjësi. Shoqëria ecën përpara vetëm atëherë kur rinia ka hapësirën, guximin dhe ëndrrën për të ndërtuar të ardhmen sipas vizionit të vet. Liria nuk është vetëm një e drejtë. Liria është një mundësi për të ardhmen. Mbi të gjitha kjo kërkon angazhim maksimal.

Me ligjin për barazinë gjinore goditën qelizën më të rëndësishmë të shoqërisë, familjen. Fryma e dhjetorit të 1990 nuk duhet të jetë vetëm nostlagji por duhet të jetë thirrje për veprim. Liria kërkon të jemi të gjithë bashkë për të shporrur Ramën dhe këtë qeveri në pushtet”, tha deputeti.  /CNA





Lajmet e fundit nga