web counter
LEXO PA REKLAMA!

SHKARKO APP

App Store
Google Play

E fundit!

x

“Po ecim drejt një humnere kombëtare”/ Berisha: Do të paraqesim në Kuvend amendamentin për minimumin jetik

8 Dhjetor 2025, 14:51, Politikë CNA

“Po ecim drejt një humnere kombëtare”/ Berisha: Do të

Kryetari i Partisë Demokratike, Sali Berisha, tha sot se për shkak të vendimeve dhe politikave të gabuara të qeverisë, shqiptarët po ecin drejt një humnere kombëtare.

Në fjalën e tij në mbledhjen e Grupit Parlamentar të PD-së, Berisha tha se situata me çmimet është mjaft e rëndë, duke e lidhur gjendjen edhe në raport me pagat në vend.

Sipas Berishës, hapi i radhës nga PD-ja do të jetë riparaqitja në Kuvend e amendamentit për vendosjen e minimumit jetik.

“Do të riparaqesim në Parlament amendamentin për minimumin jetik, si lëvizja e parë më e domosdoshme për mbështetje ndaj qytetarëve shqiptarë. Me këtë rritje çmimesh është e domosdoshme që minimumi jetik të jetë mbi 200 euro. Këtë nuk e kompenson asnjë rritje tjetër. Cilado që të jetë kostoja e tij, e para e çdo hapi është minimumi jetik dhe është e paimagjinueshme të pranosh një situatë të tillë dhe pashpirtësi e madhe kur sheh çmimet. Unë po marr shifrat e Eurostatit, janë 17% më të larta se mesatarja e BE-së, ndërkohë që rrogat më të ulëtat. Fuqia blerëse e rrogave është ajo që ishte dy vite më parë, në 2023. Vendosja e minimumit do të jetë beteja jonë në Parlament. Ne po ecim drejt një humnere kombëtare dhe nëse fillojmë këtë vit, do të duhen 30-50 vjet për të arritur aty ku ishim në vitin 2013. Por, një projekt shfarosës për shqiptarët, kërkon me çdo kusht që ata të ikin nga Shqipëria”,-tha Berisha./CNA





Lajmet e fundit nga