web counter
LEXO PA REKLAMA!

SHKARKO APP

App Store
Google Play

E fundit!

x

“Të përgatitemi për protesta të fuqishme”/ Paralajmërimi i Berishës para Kryeministrisë

8 Dhjetor 2025, 19:37, Politikë CNA

“Të përgatitemi për protesta të fuqishme”/

Kryetari i Partisë Demokratike, Sali Berisha akuzoi kryeministrin Edi Rama se në 10 vite qeverisje ka përzënë nga vendi 70% të të rinjve.

Berisha tha se qytetarët duhet të reagojnë ndaj të gjitha padrejtësive që sipas tij i ka bërë kombit. Gjatë fjalës së tij, Berisha paralajmëroi protesta të fuqishme, të cilat sipas tij do t’i rikthejnë shqiptarëve të ardhmen.

“Midis të gjitha këtyre, çdo demokrat, çdo opozitar, çdo shqiptar zgjedh të ngrihet në lartësinë e idealeve të dhjetorit. Koha nuk pret. Çdo orë, çdo ditë që shkon jemi të vonuar. Qytetare dhe qytetarë shqiptarë, ky shesh, kombi pret nga ne të mos e lëshojmë, ta zëmë njëherë e mirë, ta mbajmë gjer në fitore. Edi Rama, armik i egër i lirive të shqiptarëve. Edi Rama vjen në këtë dhjetor si hajduti më i madh i kombit në të gjitha kohërat. Edi Rama vjen në këtë dhjetor si armik i egër i çështjes kombëtare dhe interesit të shqiptarëve.

Por mbi të gjitha vjen në këtë dhjetor si armiku më i egër i rinisë shqiptare, i të rinjve shqiptarë. Përzuri në 10 vite, 70 përqind të të rinjve nga vendi. Rrënoi shkollat. Rrënoi të ardhmen e tyre. Të rinjtë shqiptarë sot kanë si alternativë të vetme largimin, largimin dhe vetëm largimin nga Shqipëria. Miq, të gjitha këto janë apel, janë kushtrim të përballemi me këtë të keqe të madhe. Të përballemi me çdo çmim, të përballemi me çdo kusht, të përballemi për dinjitetin tonë, të përballemi për të ardhmen tonë, të përballemi për vendin tonë, për familjet tona, për fëmijët tanë, për fëmijët e fëmijëve tanë. Ky është borxhi ynë, kjo është detyra jonë. Ne do e përmbushim atë.

Edi Rama ka mbushur jo kupën, por çdo gjë. Meriton çdo ndëshkim me këto që i ka bërë kombit. Tani, pasi është kapur vjedhës i dhjetëra e dhjetëra milionave, përpiqet me çdo kusht të mbrojë vjedhjen e tij, vjedhjen e ministrave të tij. Është koha jonë, është koha e guximtarëve, është koha me ideale, është koha e njerëzve që e duan Shqipërinë. Ndaj dhe u ftoj të përgatitemi të nisim protestat e fuqishme, protestat me të cilat ne do iu rikthejmë shqiptarëve të ardhmen, Shqipërinë, nderin dhe dinjitetin që meritojnë. Nderim përjetë Azem Hajdarit, tribunit të lirisë. Nderim studentëve liberatorë”, tha Berisha. /CNA





Lajmet e fundit nga