web counter
LEXO PA REKLAMA!

SHKARKO APP

App Store
Google Play

E fundit!

x

"Detin ku marrin 6130 euro në muaj duan t'ua kthejë Kushtetuesja në kos"/ Rama, për pagat e gjyqtarëve

9 Dhjetor 2025, 15:50, Politikë CNA

"Detin ku marrin 6130 euro në muaj duan t'ua kthejë

Kryeministri Edi Rama ka bërë një reagim në platformën "X" në lidhje me pagat e gjyqtarëve.

Rama shkruan se po kërkojnë rritje page dhe ata që kanë pagat më të larta në republikë, gjyqtarët e GJKKO-së dhe prokurorët e SPAK-ut.

Më tej, Rama shkruan se po kërkojnë 9230 euro në muaj, ndërkohë që tani marrin 6130 euro në muaj.

Kryeministri shkruan se mund të arrijnë të marrin nga arka e shtetit me vendim gjykate, ata gjyqtarë që arrijnë të ndryshojnë qeverinë.

Rama theksoi sërish se nuk e ka hallin te një ministër, por te rreziku i përmbysjes së balancave demokratike.

 

Reagimi i Ramës

 

 

“S’ka mundësi”, më shkruajnë disa, lidhur me kërkesën e gjyqtarëve për ta rritur pagën me 1600 Euro mbi aktualen!

Jo vetëm që ka mundësi, po 1600 Euro është rritja që kërkojnë magjistratët e këshilltarët e zakonshëm, se mes rritjekërkuesve janë edhe specialët, pra ata të GJKKO dhe SPAK-ut, të cilët kanë pagat më të larta në republikë, por kërkojnë edhe një rritje prej 3100 Eurosh!

Po, asnjë shaka, detin ku aktualisht marrin 6130 Euro në muaj, tani duan që t’ua kthejë në kos Gjykata Kushtetuese me 3100 Euro plus, e si përfundim të marrin 9230 Euro në muaj.

Si ka mundësi?!

Ka mundësi si jo, kur arrin të ndryshosh edhe qeverinë me një vendim gjykate, duke marrë kompetencat e kryeministrit, Presidentit e parlamentit bashkë, pa pasur marrë një kokërr vote të vetme nga populli tërë jetën tënde, si nuk arrike të marrësh nga arka e shtetit me një vendim tjetër gjykate, mijëra euro për të rritur pagën tënde?!

Kush ka mbetur pa e kuptuar që s’e kam hallin tek një ministër unë, po tek rreziku real i përmbysjes së balancës demokratike mes pushteteve?!





Lajmet e fundit nga