web counter
LEXO PA REKLAMA!

SHKARKO APP

App Store
Google Play

Ardian Muka i përgjigjet publikisht Salianjit: Do të mbahesh mend si njeriu që goditi me shkop demokratët

9 Dhjetor 2025, 14:58, Politikë CNA

Ardian Muka i përgjigjet publikisht Salianjit: Do të mbahesh mend si

Ardian Muka i PD-së dega Durrës i është përgjigjur publikisht Ervin Salianjit. Muka e ka quajtur Salianjin një kloun politik duke hedhur poshtë akuzat se ka diçka që e lidh me Vangjush Dakon.

Ai theksoi se Salianji do të mbahet mend si njeriu që goditi me shkop demokratët.

“Nuk doja te shkruaja per kete klloun politik qe del nga dyert e blinduara te PD, e hyn nga dritarja si 'luan', por me qene se ka disa dite qe bredh emision me emision e me permend mua, duke kerkuar nga une nje pergjigje, po ja jap sot.

Qytetaret e demokratet e Durresit e dine shume mire qe e vetmja gje qe me lidh mua me Vangjush Dakon jane betejat elektorale qe une kam bere kunder tij e forces politike qe ai perfaqsonte ne 20 vitet e fundit, ku gjithnje me ka pasur perballe e asnjehere ortak ne biznes,(sa per dijeni kompania ime e betonit nuk operon ne treg prej 8 vitesh, edhe fale luftes se eger qe Vangjushi i bente konkurenteve ideologjike e komerciale).

Me kane patur perballe me 22 mars 2022 si kandidat i demokrateve per kryetar te bashkise Durresit, ku PS e bandat bene masakren e radhes.

Me kane patur perballe ne betejat e mija qytetare ne mbrojtje te kultures, tradites, arkeologjise se qytetit tim.

 Me kane perballe ne keshillin bashkiak ku mbroj interesat e qytetareve pa asnje kompromis.

Shume ndryshe nga zoteria qe pret pergjigje, qe tek demokratet e Durresit do mbahet mend:

-si negociatori i shitjes se zgjedhjeve vendore te 2015,

-si koordinatori i percarjes se votave demokrate ne zgjedhjet vendore 2022

-si prishesi i procesit te denoncimit qe Pd pergatiste ndaj kryetarit Xhafaj  te komisionit te ligjeve, per berje ligjesh ne parlament ne favor te vellait kontrabandist, me Babal-lleqet e tij

-dhe tani duke shperqendruar fokusin e betejes se demokrateve nga Balluku-Rama tek sallat e mbushura nga drejtues dege, qe tradhtuan interesat e demokrateve ne zgjedhjet e 2025, me punetore rimorkiatoresh, taksiste, roje siguritie, etj., te gjithe zonja e zoterinj te nderuar, por qe nuk kane asnje lidhje strukturore me PD e Durresit.

E kam thene keto dite dhe do e perseris, qe kauza e ndyshimeve njerezore, strukturore, organizative, ideore, ne Partine Demokratike, eshte nje kauze e drejte qe duhet te shtrohet per zgjidhje brenda strukturave sa me shpejt, por qe kjo kauze e drejte nuk mund te gllaberohet nga njerezit e gabuar.

Cfaredo te ndodhe, ti z.Salianji, do mbahesh mend si njeriu qe me shkop ne dore ke goditur demokratet qe mendonin ndryshe nga ju!!!”, shkruan Muka./ CNA





Lajmet e fundit nga