web counter
LEXO PA REKLAMA!

SHKARKO APP

App Store
Google Play

E fundit!

x

4 vite nga ‘Rithemelimi’/ Berisha: U ngritëm si feniksi nga hiri, nuk jemi pseudoopozitë për Ramën

9 Dhjetor 2025, 13:09, Politikë CNA

4 vite nga ‘Rithemelimi’/ Berisha: U ngritëm si feniksi nga

Kreu i Partisë Demokratike, Sali Berisha, u ndal sot te situata e PD-së, teksa këtë fundvit bëhen katër vite nga procesi i ‘Rithemelimit’.

Në fjalën e tij në një deklaratë për shtyp, Berisha u shpreh se ajo periudhë dëshmoi ringritjen e PD-së, jo për të qenë një pseudoopozitë në favor të kryeministrit Edi Rama, por një forcë politike sovrane.

“Ky katërvjeçar, pa ekzagjerim, është midis legjendës dhe realitetit. Një forcë politike e bazuar në parimet demokratike, idealet e lirisë, sovranitetit për të qenë forcë sovrane politike. U agresuam nga mafia shqiptare dhe e huaj në mënyrën më të paskrupullt. Ajo që ndodhi kishte vetëm një qëllim. Së pari, një parti të kontrolluar nga Edi Rama. Së dyti, zhdukjen e PD-së me mekanizma. Është kështu apo jo? Pra, në kushtet e narkoshtetit, donin që Shqipëria të mos kishte një zë opozitar të vërtetë, por një pseudoopozitë dhe aleate të Ramës. E zhytën PD-në në izolimin më të thellë. A është kështu e vërteta? Por kjo parti u ngrit si feniksi nga hiri, vetëm e vetëm për të vërtetat që mbronte, në një hark kohor disa mujor dhe të gjitha partitë e qendrës së djathtë në botë kanë firmosur në mbështetje të plotë për PD-në dhe kanë denoncuar farsën e regjimit, persekutimit dhe narkoshtetin shqiptar me gërma kapitale, bashkë me Edi Ramën. Sot është forca më e mbështetur në historinë e vet”,-tha Berisha./CNA





Lajmet e fundit nga