web counter
LEXO PA REKLAMA!

SHKARKO APP

App Store
Google Play

Gara për Avokatin e Popullit/ Korreshi: Nuk ka qenë proces serioz nga socialistët, duan vetëm firmat

10 Dhjetor 2025, 09:51, Politikë CNA

Gara për Avokatin e Popullit/ Korreshi: Nuk ka qenë proces serioz nga

Deputeti demokrat, Saimir Korreshi, komentoi sot procesin e firmave lidhur me kandidatët që garojnë për detyrën e Avokatit të Popullit.

I ftuar në “Syri TV”, Korreshi e cilësoi si një proces joserioz dhe për këtë fajësoi Partinë Socialiste.

Korreshi tha se i vetmi interes nga ky proces është marrja e firmave për mbështetjen e emrave që janë pjesë e garës.

“Për mua është, e para, i rëndësishëm momenti që ne na thuhet, ose ata drejtuesit e Partisë Demokratike na thonë, që ky është një proces, i cili nuk do të bëhet se s'kemi dakordësi me Partinë Socialiste, pra që opozita të dërgojë një emër të sajin. Pra, ata nuk duan të bëjnë proces, dhe nuk kemi pse të bëhemi, të kemi absolutisht asnjë lloj individi, i cili kërkon firmat për t'u mbështetur. Kaq.

Duke qenë se të vijnë kolegë të nderuar, deputetë të Partisë Demokratike dhe të vënë lista përpara ti je i detyruar, jo i detyruar domosdoshmërisht, por duke parë që firmosi tjetri. E na vinin dhe te protesta, firmose një çikë këtë se e dua unë se unë jam demokrat. Firmose një çikë këtë se jam demokrat. Kështu që duke qenë se u bë një proces i tillë, derisa ka qenë deklarata e Taulant Ballës, ky proces kështu ka qenë. Shko te ky e t'ia marrim këtij, t'ia bëjmë këtij e me radhë. I gjithë procesi. Pra, nuk ka qenë një proces serioz.

Edhe, për shembull, duke qenë se u hodhën të gjithë emrat aty, një pjesë i mbaj mend edhe pse s'i kam, se kam firmosur për disa, nuk kam firmosur vetëm për Endri Shabanin. Kam firmosur për Adriana Kalanë, kam firmosur për Besim Ndregjonin, për Skënder Halucin, ku di unë, mund të them disa emra që mbaj mend unë nga kolegë deputetë, që m'i kanë sjellë letrat për t'i firmosur. Ishte një proces të cilin e propozova për ta bërë me tre, të paktën ne të çojmë tre dhe ata të zgjedhin një nga ato propozimet tona.

Siç ka qenë Komisioni i Ligjeve, ju pak debatin ndoshta e keni ndjekur apo jo se ç'debat kemi bërë ne, ku shoku Ulsi ka referuar që të gjitha firmat tona janë të pavlefshme sepse janë mbledhur para procesit. Pra, duhet të dorëzohen ose mbledhja e firmave duhet të fillojë menjëherë mbasi ne të kishim bërë klasifikimin e parë. Dhe të gjitha ato firmat janë dhënë në momentin e parë dhe jo mbasi janë klasifikuar demokratët. Sepse ka dy procese në Komisionin e Ligjeve. E para, është njëherë procesi nëse ata i kanë kushtet apo jo për të qenë Avokati i Popullit, pra jo për firma”,-tha Korreshi./CNA

 





Lajmet e fundit nga