web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Popullit/ Kalaja: E zhgënjyer që Partia Demokratike nuk doli me një emër

9 Dhjetor 2025, 21:13, Politikë CNA

Avokati i Popullit/ Kalaja: E zhgënjyer që Partia Demokratike nuk doli

Avokatja Adriana Kalaja në një dalje televizive ka folur për debatin rreth zgjedhjes së Avokatit të Popullit.

Kalaja u shpreh e hgënjyer që PD nuk doli me një emër dhe tha se grupi parlamentar demokrat ka ende kohë.

Avokatja tha se është i pajustifikueshëm fakti që PD thotë nuk çon një emër se e rrëzon Taulant Balla.

Me këtë logjikë, tha Kalaja, i bie që Pd-ja të ikë nga Parlamenti. Më tej, avokatja tha se  nuk mund të kërkojë votat e PS-së kur nuk ka mbështetjen e demokratëve.

 

“Jam e zhgënjyer që Partia Demokratike nuk doli me një emër për Avokatin e Popullit, patjetër që po. Zotit Berisha i kam thënë që erdhëm deri në momentin që PD-ja ka dhënë firmat për kandidaturat, duke mos ngatërruar votimin me mbështetjen për t’u futur në garë, për 8 emra. Unë jam vetofruar në garë. Nga të tetë personat të dilte një emër, sepse kaq firma ka PD-ja. Na pëlqen apo jo. Mbase nuk do ishte Adriana Kalaja fituese, do ishte dikush tjetër. Unë e respektoj procesin. Grupi parlamentar i PD-së ka kohë akoma, deri të enjten.

Duhet të fusë të gjithë firmat që ka dhënë për të tetë kandidatët, t’i fusi në garë, fituesin ta vendosë me vendim politik dhe t’ia çojë Taulant Ballës dhe Edi Ramës. Nuk duhet të pyesë Partia Demokratike, ky është një kompleks absolutisht i papranueshëm. Madje, për mua është i panevojshëm që të thuash “nuk po çojmë ne këtë se na rrëzon Taulant Balla”. Atëherë, le të ikë PD-ja nga Parlamenti sepse Balla po i rrëzon çdo gjë. Partia Demokratike të çonte kandidatin e vet. Ka kohë deri të enjten, ta bëjnë me votim. Votimi të jetë i ndershëm, i fshehtë. Nëse unë nuk mbështetem nga PD-ja, nuk mund të kërkoj votat e Partisë Socialiste”, shtoi Kalaja./ CNA





Lajmet e fundit nga