web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Paketa kundër shpopullimit, hapi i parë për të shpëtuar Shqipërinë

10 Dhjetor 2025, 13:26, Politikë CNA

Berisha: Paketa kundër shpopullimit, hapi i parë për të

Kreu i PD-së, Sali Berisha, ka reaguar sot lidhur me krizën demografike që po përjeton vendi, duke e quajtur shpopullimin katastrofën më të madhe në historinë e kombit shqiptar.

Berisha theksoi se paketa kundër shpopullimit, e propozuar nga ai dhe grupi i tij, është vetëm hapi i parë i domosdoshëm për të ndaluar rënien e popullsisë dhe për të siguruar një kthesë historike që do të shpëtojë Shqipërinë nga shuarja dhe fshirja.

“Historia e kombeve është histori e lindjes, lulëzimit, por edhe zhdukjes së tyre. Shqiptarët nuk e meritojnë të zhduken. Kjo është çështja që ne do ta mbrojmë në Parlament,” deklaroi Berisha.

Ai nënvizoi se asnjë pushtim, sëmundje apo epidemi në historinë e vendit nuk ka shkaktuar një shpopullim të tillë, duke e cilësuar situatën si emergjencë kombëtare.

Berisha u shpreh optimist se masa të tilla do të shërbejnë si fillimi i një strategjie për të ndalur largimin e shqiptarëve dhe për të mbajtur gjallë komunitetin në trojet e tij historike.

"Natyrisht kjo paketë është vetëm hapi i parë i domosdoshëm për të shënuar një kthesë, e cila synon të shpëtojë Shqipërinë nga shkretimi i plotë i banorëve të saj.

Fshirja, shuarja. Historia e kombeve është histori e lindjes, lulëzimit, por edhe zhdukjes së tyre. Shqiptarët nuk e meritojnë të zhduken.

Shqiptarët duhet të meritojnë në trojet e tyre që nga kohërat ilire gjer sot. Kjo që ndodh është katastrofa më e madhe demografike në historinë e kombit.

Kurrë shqiptarët nuk kanë përjetuar një shpopullim të tillë nga asnjë pushtim, nga asnjë sëmundje, nga asnjë epidemi. Kjo ishte çështja që desha të sjell te ju dhe që ne do ta mbrojmë në Parlament", deklaroi Berisha./ CNA





Lajmet e fundit nga