web counter
LEXO PA REKLAMA!

SHKARKO APP

App Store
Google Play

E fundit!

x

"Keni futur 'Lepurin e Surrelit'”/ Këlliçi-mazhorancës: Hiqni emrin e Endri Shabanit nga gara për Avokatin e Popullit

11 Dhjetor 2025, 10:35, Politikë CNA

"Keni futur 'Lepurin e Surrelit'”/

Deputeti demokrat, Belind Këlliçi, i kërkoi sot mazhorancës socialiste që të heqë nga lista me kandidaturat për Avokatin e Popullit emrin e Endri Shabanit, që e quajti “Lepuri i Surrelit”.

Në fjalën e tij në Kuvend, Këlliçi u shpreh se deri më tani asnjë nga kandidaturat nuk është e ligjshme për votim, teksa theksoi qëndrimin e opozitës se nuk do të marrë pjesë në këtë farsë.

“Duke parë rendin e ditës, në pikën 18 është përfshirë projektvendimi për Avokatin e Popullit. Ne e kemi paraqitur përmes Grupit Parlamentar të PD-së qëndrimin tonë mbi këtë proces. Ju jeni njoftuar për tërheqjen e të gjitha firmave të deputetevë të PD-së për të gjitha kandidaturat që janë paraqitur para Komisionit të Ligjeve për të prezantuar kandidaturat. Në listë janë plot 26 kandidatura, mes të cilëve edhe ‘Lepuri i Surrelit’ ose Endri Shabani, i cili sot po plotëson deri në fund skenarin e mazhorancës se këtë herë PS do të merrte Avokatin e Popullit. Qëndrimi ynë është i prerë. Sot asnjëri nga 26 prej tyre nuk i ka firmat e PD-së për të garuar në këtë pozicion. Nëse i riktheheni precedentit të vitit 2021 janë tërhequr në këtë sallë firmat për 3 kandidatura. Ne sot jemi të qartë. PD nuk merr pjesë fare në këtë farsë nëse nuk hiqni emrin e Shabanit. Nga PD kemi emrin e Adriana Kalasë dhe Besim Ndregjonit. Tani që ne flasim, asnjëra nga kandidaturat nuk është e ligjshme për të kaluar në votim”,-tha Këlliçi./CNA





Lajmet e fundit nga