web counter
LEXO PA REKLAMA!

SHKARKO APP

App Store
Google Play

“Përgëzime për arritjet e pamohueshme”/ Rama reagon për zgjedhjen e kreut të ri të SPAK

11 Dhjetor 2025, 17:41, Politikë CNA

“Përgëzime për arritjet e pamohueshme”/ Rama reagon

Kryeministri Edi Rama ka reaguar pas zgjedhjes së prokurorit Klodjan Braho, në krye të Strukturës së Posaçme Kundër Korrupsionit dhe Krimit të Organizuar.

Në postimin e tij në platformën “X”, Rama shprehet se drejtuesi i ri merr stafetën nga Altin Dumani për të cilin tha se meriton përgëzime për arritjet e pamohueshme të SPAK-ut në tre vitet e drejtimit të tij. Kreu i qeverisë thekson se SPAK do të vijojë të ketë mbështetjen e palëkundur të qeverisë.

“Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet”, thuhet në postimin e Ramës.

Prokurori Klodjan Braho mori 7 vota, Adnan Xholi 3 vota, Elvin Gokaj 1 votë dhe Doloreza Musabelliu asnjë votë. Braho do të pasojë në postin si drejtues i SPAK-ut, Altin Dumanin. Mandati i Klodjan Brahos në krye të SPAK-ut do të jetë 3-vjeçar. Braho është drejtuesi i tretë i SPAK-ut, që prej themelimit të institucioneve të reja të drejtësisë. Dy paraardhësit e Brahos janë Altin Dumani dhe Arben Kraja. /CNA





Lajmet e fundit nga