E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

"Bërja e Shabanit, Avokat i Popullit është një turp i deputetëve të PD"/ Murrizi: Ti doktor vazhdon të ruash pazarin me Ramën

12 Dhjetor 2025, 17:49, Politikë CNA

"Bërja e Shabanit, Avokat i Popullit është një turp i

Ish-deputeti Myslim Murrizi ka reaguar përmes një postimi lidhur me zgjedhjen e Endrit Shabanit si Avokat i Popullit. Në reagimin e tij, Murrizi ka akuzuar deputetët dhe kreun e PD-së se ishin ata që me firmat e veta i dhanë këtë detyrë Shabanit.

Ish-deputeti shprehet gjithashtu se i gjithë procesi i zgjedhjes së Avokatit të Popullit, ishte pjesë e asaj që ai e quan “pazari i Berishës me Ramën që prej prillit të vitit 2008”.

Duke iu drejtuar kryedemokratit Sali Berisha, Murrizi shprehet se në 13 vite qeverisje të PD-së, “nuk i ka dhënë një post një studenti të lëvizjes së dhjetorit”.

Reagimi i plotë:

Bërja e Endri Shabanit Avokat i Popullit me firmat e mender deputetëve të PD është një TURP që nuk mund të fshihet pas ikjes nga procesi i votimit.

Ky është një pazar i pistë në kurriz të DEMOKRATËVE dhe ti Doktorr Berisha nuk shmangesh nga përgjegjësia pse nuk ke vënë firmën.

Ti Doktorr nuk shkëputesh dot kurrë nga SORROSI, që vetë e ke sjellë në Shqipëri e ke pritur dhe trajtuar si mik tëndin.

Ti Doktorr vazhdon të komandohesh nga SORROSI sepse ke gjysmën e grupit parlamentar dhe të kryesisë këlysh të SORROSIT.

Ti Doktorr vazhdon të ruash me fanatizëm pazarin me Ramën prej prillit 2008 dhe non stop keni bërë bashkë çdo gjë të pistë e të ndyrë në Kushtetutë e Kod Zgjedhor, që t’iu hiqni Shqiptarëve të drejtën e zgjedhjes.

Ti Doktorr në të gjitha qeveritë e PD ke promovuar dhe ke bërë ministra vetëm këlysh të sorrosit dhe të ish-sigurimit të shtetit, sepse kurrë nuk ke qenë i lirë edhe pse ke folur për “lirinë” gjatë gjithë kohës.

Bëni edhe dy dhomat në parlament Doktorr, se guzhinën e keni të përbashkët dhe dy halet veç e veç.

Prej vitit 2001 PD qeras me deputet parti e partiçkëza, që në 7 palë zgjedhje 2001, 2005, 2009, 2013, 2017, 2021, 2025 nuk kanë kandiduar asnjëherë me siglën e tyre dhe nuk e dinë as vetë nëse kanë apo jo anëtarë në ndonjë qendër votimi në 5200 qendra që ka Shqipëria.

Nga 50 deputet që mori PD në 11 maj, 8 ishin po të këtyre partive që pothuajse të gjitha bashkë morën vota vetëm për një mandat.

Tani nga këto 42 që i kishin ngelur PD, do t’ju japë edhe 6 deputetë të tjerë që këto partiçkëza të formojnë grupet parlamentare.

Kështu që vetë votuesit e PD do kenë 36 deputetë si përfaqësues të 500 mijë votuesve.

Oo Doktorr Berisha!

Ke 29 vjet, që nga viti 1996, që ngele duke “qeras” me votat e DEMOKRATËVE, ANTIKOMUNISTËVE, IDEALISTËVE, TË PËRNDJEKURVE POLITIK lloj lloj komunisti, hajduti, mashtruesi, mosmirënjohësi, palaçosh me pushtet, dhe këto sa ikën PD nga pushteti ikin dhe humbin si shurra e pulës në mullar të bykut.

Ke afro 30 vjet që “qeras” me deputet çdo mashtrues e besëprer në parti leshi që nuk kanë as anëtar, as votues, as struktura dhe pothuajse janë të “shkrira” po mos ishe kaq “bujar” ti në çdo palë zgjedhje.

PO SI NUK “QERASE” NJË HERË TË VETME DEMOKRATËT QË I KANË QENDRUAR PD NË OPOZITË, MOR DOKTORR??????

Në vitin 1996, ato që “qerase” pa asnjë kontribut e meritë ikën si qen të pshurrur nga sytë këmbët në mars 1997.

Ato që qerase me mandat deputeti dhe ministrash, zv. ministrash, drejtor-drejorie në vitin 2005, kanë ikur të gjithë te PS

Doktorr ose shijojnë çfarë vodhën duke ndenjur si “asnjanës” në qejfin e tyre.

Ato që qerase me 30% të pushtetit në 2009 mor Doktorr dhe i dhanë kosto e faturë të rëndë PD si kokrra hajdutësh, të ikën në prill 2013 dhe sollën Ramën në pushtet.

Ato që “qerase” me deputet në vitin 2013 Doktorr të lanë dyfekun në faqe dhe bashkuan votat me Ramën 4 vjet duke bërë dhe reformën territoriale dhe mbaruan punët e tyre në kurriz të votave të DEMOKRATËVE.

Qerase Lylin 8 vjet Doktorr nga 2013 në 2021 deri sa të përjashtoi dhe kur nuk kishte kush ta qeraste, iku si shurrë pule duke marrë vota sa për kryeplak në Kryevidh.

Në 11 maj 2025, përveç 8 deputetëve që “qerase” parti pa votues, “qerase” dhe të gjithë ata që nuk lanë gjë pa thënë e pa bërë kundra DEMOKRATËVE nga shtatori 2021 e sidomos me 8 janar 2022 me mandat deputeti.

Tani po të pyes publikisht Doktorr!

1 — A i mban mend emrat dhe fytyrat e të gjithë atyre që ke “qeras” me mandat deputeti, ministri, zv. ministri, drejtorie, me pushtet e me para, me pasuri dhe emër në emër të votave të DEMOKRATËVE????

2 — A e mban mend Majlinda Bregun Doktorr? Po Arencën? Viktorin? Pangon? Imamin? Rrulin? Gjanën? Halimin?

Po Benet Beci Doktorr, a të kujtohet?

Po Visho Ajazi i SHIK-ut Doktorr që dekoroi Rama?

Se për ata të vitit 1996–1997 nuk po të pyes se kanë qenë me shumicë në atë kohë.

3 — A i ke “qeras” me gjithë mend Doktorr, apo ka qenë pjesë e lojës, e pazarit, apo e misionit që në emër të DEMOKRATËVE të përfitojnë pushtet, pasuri e para të gjithë të tjerët përveç DEMOKRATËVE të vërtetë????

Se me ta thënë të drejtën Doktorr, unë nuk besoj kurrë që në 35 vite të ketë “qëlluar” kaq rastësisht që në emër të DEMOKRATËVE të kenë përfituar vetëm ky soj bastardësh që nuk kanë asnjë lidhje, asnjë kontribut, asnjë ngjashmëri dhe asnjë meritë në të gjithë historikun 35-vjeçar të PD dhe sakrificës së DEMOKRATËVE.

Se po të ishte me të “qëlluar” e kaq rastësisht, atëherë pse këta “shejtanërët” e PS si nuk “qerasën” një herë ndonjë DEMOKRAT me pushtet në 35 vite për 22 vjet që kanë qenë në kal mor aman?

Në 13 vite pushtet që ka qeverisur PD, po si nuk “qerase” njëherë të vetme Doktorr me karrige ministri një ish student të Dhjetorit që nuk erdhi në PD në atë dhjetor nga sigurimi i shtetit!!!!!

Dhe e fundit Doktorr!

A do të vazhdosh të “qerasesh” përsëri me poste në kupolën e PD servil të pështirë, hipokritë dhe debil e idiot profesionist?????? /CNA