web counter
LEXO PA REKLAMA!

SHKARKO APP

App Store
Google Play

E fundit!

x

Rama, takim me të rinjtë: Jemi të parët në rajon për shërbimet e punësimit

12 Dhjetor 2025, 14:25, Politikë CNA

Rama, takim me të rinjtë: Jemi të parët në rajon

Kryeministri Edi Rama ka zhvilluar një takim me të rinjtë e punësuar përmes programeve të nxitjes së punësimit, ku ka prezantuar shifrat më të fundit për rezultatet e këtyre skemave. Ai tha se, sipas raportit të OECD-së, Shqipëria renditet e para në rajon për shërbimet e punësimit, çka sipas tij dëshmon për progresin e bërë në strukturimin e politikave të punësimit.

“Dua ta filloj me një fakt që nuk është i njohur, Shqipëria, sipas OECD, që është një burim shumë serioz të dhënash dhe vëzhgimesh mbi vendet, është shteti që zë vendin e parë në rajon për shërbimet e punësimit. Kjo është diçka shumë pozitive, sepse flet qartë që puna që kemi bërë këto vite na ka dhënë një rezultat inkurajues”, tha ai.

Kryeministri theksoi se vetëm në pesë vitet e fundit, 42 mijë të rinj janë punësuar nëpërmjet zyrave të punës dhe programeve të dedikuara, ndërsa 2 200 të rinj aktualisht përfitojnë nga Garancia Rinore. Ai bëri të ditur se objektivi i qeverisë është që 60 mijë të rinj të përfitojnë nga këto programe brenda mandatit qeverisës.

“Janë shtatë programe që funksionojnë sot për nxitjen e punësimit, që mbulojnë të gjitha kategoritë e që shkojnë nga praktikat profesionale te formimi në vendin e punës, nga vetëpunësimi, tek integrimi social. Dhe, një tjetër e dhënë që është mirë ta dini. Të rinjtë, që krejt normal janë skeptikë, madje indiferentë ndaj këtyre fjalëve, në vetëm 5 vitet e fundit, 42 mijë djem e vajza, janë punësuar përmes zyrave tona të punës e përmes këtyre shërbimeve. Dhe, në këtë shifër, 7 mijë e 500 janë individë që kanë përfituar nga programet dhe sot janë në punë", tha ai.

Rama foli edhe për buxhetin e vitit 2026, i cili parashikon një rritje prej 60 për qind të fondit të dedikuar për të rinjtë, me fokus të veçantë te nxitja e vetëpunësimit dhe startup-eve, ku 37 për qind e tyre drejtohen nga vajza.

“37% e këtyre startup-eve përbëhen ose drejtohen nga vajza dhe është 2-fishi i mesatares së BE-së dhe provon teorinë time që Shqipërinë do ta shpëtojnë gratë. E kam bindje këtë. Ka dhe një tjetër program që është ai i vetëpunësimit. Ne duam që në vijim të rrisim numrin e të rinjve që duan të vetëpunësohen, flasim për të gjitha llojet e gjërave. Të rinjtë që duan të hapin një biznes të vogël, duam t’i vënë në fokus të kësaj mbështetjeje. Buxheti i vitit që vjen është i konsiderueshëm dhe ajo që është e rëndësishme është se është buheti më i madh ndodnjëherë për të nxitur punësimin për të rinjtë. E kemi rritur me 60% shumën e dedikuar për të rinjtë”, tha kryeministri./ CNA





Lajmet e fundit nga