web counter
LEXO PA REKLAMA!

SHKARKO APP

App Store
Google Play

“U tmerrua”/ Berisha: Rama e tregoi pas 20 ditësh se agjentët e BKH-së i shkuan në Kryeministri

15 Dhjetor 2025, 10:47, Politikë CNA

“U tmerrua”/ Berisha: Rama e tregoi pas 20 ditësh se

Kryetari i Partisë Demokratike, Sali Berisha, ka komentuar jashtë SPAK-ut, shkuarjen e agjentëve të Byrosë Kombëtare të Hetimit në ambientet e Kryeministrisë disa ditë më parë. Berisha tha se Rama e mbajti të fshehtë këtë, për shkak se, sipas tij, “është tmerruar nga prezenca e tyre”.

“Ka kërkuar të çarmatosen të gjithë agjentët e BKH-së. Do të çarmatosen që të gjithë agjentët e BKH-së dhe do të armatosen me patllake dërrase. Patllake të vërteta nuk do të ketë, se na e tmerruan kryeministrin. E kishte mbajtur të fshehtë 20 e ca ditë, shkuarjen e agjentëve të BKH-së në kryeministri. Rama i tmerruar e mbajti të fshehtë dhe e nxori pas 20 e ca ditësh”, tha Berisha ndër të tjera.

Kujtojmë se ditën e djeshme, kreu i qeverisë ndau në podkastin e tij “Flasim”, një episod të ndodhur në ambientet e Kryeministrisë, ku tha se kishin shkuar disa agjentë të BKH-së, por nuk kishin dorëzuar armën te dera, sipas rregullores së Gardës së Republikës.

Pas këtyre deklaratave reagoi edhe BKH, ku bëri me dije se agjentët e tyre kanë vepruar sipas rregullave dhe se në asnjë moment nuk ka pasur debat apo përplasje mes hetuesve të BKH-së dhe Gardës së Republikës. /CNA





Lajmet e fundit nga