web counter
LEXO PA REKLAMA!

SHKARKO APP

App Store
Google Play

E fundit!

x

“Më mirë vonë se kurrë”/ Muçollari: Protesta e PD-së, nevojë emergjente për dorëheqjen e Edi Ramës

17 Dhjetor 2025, 21:02, Politikë CNA

“Më mirë vonë se kurrë”/ Muçollari:

Demokrati Grigels Muçollari deklaroi sot se Partia Demokratike është më e vendosur se kurrë në idenë e vijimit të protestave, si një nevojë emergjente për situatën në vend, që synohet të finalizohet me dorëheqjen nga detyra të kryeministrit Edi Rama.

I ftuar në emisionin “Now” me gazetaren Erla Mëhilli, Muçollari tha se demokratët po diskutojnë gjerësisht lidhur me këtë çështje, teksa shtoi se kërkesa e radhës do të jetë ngritja e një qeverie teknike.

“Diskutimet kryesore dhe fokusi i mbledhjes është pikërisht protesta dhe nevoja emergjente e reagimit të opozitës, pas skandaleve që janë bërë me dije. Patjetër që u fol për një protestë që zgjat. U diskutua situata ku ndodhet Shqipëria dhe nevoja e shoqërisë për një opozitë për ta përfaqësuar. Edhe mund të jemi të vonuar, por më mirë vonë se kurrë. U fokusuam te protestat, organizimi, mënyra sesi duhet t’i përqasemi qytetarëve dhe demokratëve. Është një rrugë me sakrifica deri në dorëheqjen e kryeministrit. Kërkësa e radhës është qeveria teknike. Kjo qeveri është projekti final që mund ta çojë vendin në zgjedhje të lira”,-tha Muçollari./CNA





Lajmet e fundit nga