web counter
LEXO PA REKLAMA!

SHKARKO APP

App Store
Google Play

E fundit!

x

“Samiti, sukses për Shqipërinë dhe Kosovën”/ Rama: Jemi të vlerësuar maksimalisht në tempullin e BE-së

18 Dhjetor 2025, 09:49, Politikë CNA

“Samiti, sukses për Shqipërinë dhe Kosovën”/

Kryeministri Edi Rama, përmes një daljeje në rrjetet e tij sociale, ka folur edhe lidhur me samitin e zhvilluar dje mes Bashkimit Europian dhe Ballkanit Perëndimor.

Rama tha se samiti ishte një sukses për Shqipërinë dhe Kosovën. Ai vlerësoi punën e presidentes Vjosa Osmani, ku tha se ia arriti të hiqte masat dhe të zhbllokonte fondet e BE-së për vendin.

Më tej, Rama tha se sot Shqipëria është e respektuar dhe e vlerësuar maksimalisht. Ai u shpreh se gjatë fjalës së tij në samit ka theksuar se hapja e të gjithë kapitujve është inkurajim dhe se qëndrimi i KE-së për mbylljen e negociatave në 2027 duhet të mos ndryshojë.

“Kemi përmbyllur mbrëmë një samit mes Bashkimit Europian dhe Ballkanit Perëndimor që ishte kurajues dhe i suksesshëm për Shqipërinë dhe Kosovën. Presidentja e Kosovës ka shkëlqyer me fjalë bindëse dhe si rezultat i një pune këmbëngulëse. Një rezultat i punës së përbashkët të javëve të fundit, që ia doli të zhbllokojë fondet e BE-së.

Sa i përket Shqipërisë jemi të vlerësuar dhe respektuar maksimalisht në tempullin e Bashkimit Europian. Qëndrimi im ka qenë ajo që dini, troç, drejt dhe pa dorashka, sepse unë them atë që mendoj dhe bëj pastaj atë që thonë ata.

Në sensin që ne detyrat e shtëpisë i bëjmë në mënyrë korrekte. Fjalën tonë e themi hapur drejt në sy, pa kompleks, si të barabartë mes të barabartëve dhe kjo na e ka rritur vlerën në këto tryeza.

Kam theksuar se hapja e gjithë kapitujve është për ne inkurajim. Kam përsëritur se është e domosdoshme që Komisioni Europian t'i rrijë atij vendimi për mbylljen e negociatave në 2027, se e dini si janë këto, ndërrojnë mend ndonjëherë. I kam siguruar se do të vazhdojmë reformat modernizuese, do të vijojmë me luftën kundër krimit dhe korrupsionit. Ju them pa modesti që ju kam nderuar”, tha Rama. /CNA





Lajmet e fundit nga