web counter
LEXO PA REKLAMA!

SHKARKO APP

E fundit!

x

Trazirat në seancë/ Balla: Asgjë e re nga fronti i lindjes

18 Dhjetor 2025, 11:35, Politikë CNA

Trazirat në seancë/ Balla: Asgjë e re nga fronti i lindjes

Kreu i Grupit Parlamentar të PS-së, Taulant Balla, dha një deklaratë për gazetarët jashtë Kuvendit, ku foli edhe për seancën e sotme plenare. Balla tha se nuk kishte asgjë të re nga demokratët, pasi, sipas tij, këto janë të pritshme.

“Asgjë e re nga fronti i lindjes. Po kujtoja sot, plot 8 vite më parë, e njëjta pamje në Kuvendin e Shqipërisë. Atë ditë zgjidhej kryeprokurorja Arta Marku. Sot betohej Avokati i Popullit, i votuar nga vetë PD-ja. Sa herë duket se protestat nuk kanë pjesëmarrje, i vënë zjarrin Parlamentit. Shqiptarët e dinë se kush i udhëheq këto imazhe që i bëjnë dëm Shqipërisë. Qentë le të lehin, karvani ecën përpara”, tha Balla.

Më tej, ai përshëndeti edhe vendimin e BE-së për heqjen e masave ndaj Kosovës.

“Përgëzoj vendimin e BE-së për të hequr një pjesë të masave ndaj Kosovës. Sa herë ka Kosova një festë, nga ‘91 e deri më sot, Saliu e bën një dëm në Shqipëri”, tha kreu i grupit të PS-së. /CNA





Lajmet e fundit nga