web counter
LEXO PA REKLAMA!

SHKARKO APP

App Store
Google Play

E fundit!

x

"Rama vodhi votën"/ Berisha: PD, e vendosur për të përmbysur diktaturën e krimit dhe drogës

18 Dhjetor 2025, 18:53, Politikë CNA

"Rama vodhi votën"/ Berisha: PD, e vendosur për të

Kreu i Partisë Demokratike, Sali Berisha ndau sot një mesazh nga Kavaja, drejtuar jo vetëm demokratëve të pranishëm, pro edhe qytetarëve shqiptarë.

Kryedemorkrati shprehu bindjes, se PD-ja është aq e vendosur sa ditën e themelimit të saj, për të përmbysur diktaturën e dytë, të bazuar në krimin, drogën dhe vjedhjen e shqiptarëve.

Sipas Berishës, përpjekjet për të  shndërruar PD-në një parti fasadë të Partisë së Krimit rezultuan të gjitha të dështuara.

 “Në këto 35 vite, askush më mirë se ju nuk e mbrojti me votën e vet, me votën e e qytetarëve lirinë. Ndaj unë jam shumë mirënjohës që vij këtu, zoti kryetar i bashkisë dhe kryetar partie.

Për të gjetur qytetarë, i, qytetarë të parë, të votuar, të besuar nga qytetarët e Kavajës. Kam shumë mirënjohje për anëtarët e degës së Partisë Demokratike të këtij qyteti, kontributin e saj.

Miq, në udhëtimin tonë 35 vjeçar, ne ja dolëm. Ja dolëm ta shkëpusim Shqipërinë nga honet e varfërisë në të cilat rrokullisej.

Të anëtarësojmë Shqipërinë në NATO.

Të lëvizim të lirë.

Të nxjerrim shqiptarët në krye për rroga dhe pensione në rajonin tonë.

Ja dolëm t'i jap, të ndryshojmë, transformojmë infrastrukturën. Pranuam rotacionin si kusht i të gjitha kushteve për të respektuar lirinë e qytetarëve tanë.

Por viti 2013 solli në pushtet një bandë kriminale. Solli në pushtet pasardhësit e atyre të cilët 45 vite shtypën me egërsinë më të madhe qytetarët shqiptarë.

Përpjekje të jashtëzakonshme u bënë të fshijnë nga harta e Shqipërisë pluralizmin. Përpjekje të jashtëzakonshme u bënë të shuajnë Partinë Demokratike si parti sovrane, të shpirtit dhe zemrave tuaja.

Përpjekje të jashtëzakonshme u bënë të shndërrojnë Partinë Demokratike në një parti fasadë të Partisë së Krimit. Të gjitha dështuan.

Sot Partia Demokratike vjen në këtë 35 vjetor, ju garantoj unë, po aq e vendosur sa ditën e themelimit të saj, për të përmbysur diktaturën e dytë, të bazuar në krimin, drogën dhe vjedhjen e shqiptarëve.

Sot Partia Demokratike ja doli. Ja doli me mbështetjen tuaj, me mbështetjen e demokratëve, jo vetëm të qëndrojë e fuqishme, por të mbrojë votën e shqiptarëve. Sot në të katër anët e vendit, në të katër anët e botës, është qartësuar se Edi Rama vodhi votën, se Edi Rama s'bëri zgjedhje, por farsë elektorale”,-deklaroi Berisha./CNA





Lajmet e fundit nga