web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në Kuvend/ Politologu Krasniqi: PD-ja ka dashur të japë mesazhe mobilizimi për qytetarët

18 Dhjetor 2025, 22:05, Politikë CNA

Tensionet në Kuvend/ Politologu Krasniqi: PD-ja ka dashur të japë

Politologu Afrim Krasniqi komentoi sot situatën e tensionuar të kësaj të enjteje në Kuvendin e Shqipërisë, ku u përfshinë shumë deputetë demokratë.

I ftuar në A2 CNN, Krasniqi tha se përmes aksionit të sotëm brenda parlamentit, përfaqësuesit e Partisë Demokratike kanë dashur të japin mesazhe për qytetarët, jo vetëm mbi situatën nëvend, por edhe si një mënyrë për mobilizim për protestën e së hënës.

“PD-ja ka dashur të japë dy mesazhe. E para, për të dalë në lajmin ndërkombëtar dhe ka dalë. Por nuk ka dalë protesta, ka dalë incidenti për shkak të skandalit korruptiv. Të gjithë thonë: një zëvendëskryeministre është përfshirë në skandal dhe parlamenti ka krijuar incident.

PD-ja ka nevojë të mobilizojë strukturat e veta për mitingun që ka lajmëruar të hënën. Tradicionalisht, sa herë ka pasur mitingje të mëdha, kanë paraprirë incidente parlamentare.

 Nuk mund t’u thuash gjysmës së shqiptarëve që mendojnë ndryshe se janë ‘qenë’. Është një shprehje mesjetare, fyese dhe denigruese për shoqërinë shqiptare.

Asgjë nuk është sqaruar. I vetmi njoftim është se ka një dosje të futur në kasafortë sekrete, që do të hapet nesër, ndërkohë që opozita përjashtohet nga procesi”,-deklaroi Krasniqi./CNA

 

 





Lajmet e fundit nga