web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ndodhi rastësisht”/ Korreshi: Tensionet në Kuvend, reagim i natyrshëm nga mosveprimi i Ramës

18 Dhjetor 2025, 22:17, Politikë CNA

“Nuk ndodhi rastësisht”/ Korreshi: Tensionet në Kuvend,

Deputeti demokrat, Saimir Korreshi komentoi gjerësisht gjendjen tensionuar të kësaj së enjteje në Kuvend.

I ftuar në A2 CNN, Korreshi tha se ajo që ndodhi nuk ishte rastësi, por reagimi natyrshëm që ka ardhur nga situata politike në vend.

Sipas Korreshit, opozita do të vijojë reagimin politik dhe institucional, për një disa çështje me rëndësi, për të cilat sipas tij, kryeministri Edi Rama nuk mund të bëjë sikur nuk ka ndodhur asgjë.

“Ajo që ndodhi nuk ishte rastësi, por reagim i natyrshëm ndaj një situate që nuk mund të quhet më normale. Nuk mund të ketë një parlament normal kur një zëvendëskryeministre kërkohet të futet në burg. Duhej të vinte të kërkonte dorëheqje dhe ndjesë publike. Nuk mund të bëjë Rama sikur nuk ka ndodhur asgjë.

Kur shikon dosjet, ke të bësh me një gjenocid mbi fondet publike. E them pa frikë fare: kjo është bërë gjenocid me buxhetin e shtetit.  Këta të vjedhin, këta të rrahin dhe këta të dënojnë. Hajde gjeje ti këtë logjikë. Deputetë që nuk kanë lëvizur nga vendi shpallen fajtorë.

Nuk mund të ketë “normalitet” sa herë që preket buxheti i shtetit dhe ngrihen akuza të rënda për korrupsion në nivelet më të larta të qeverisë. Nuk ka më kulturë politike kur të vjedhin. Kur të vjedhin, reagimi është njerëzor.

Opozita do të vijojë reagimin politik dhe institucional, se e gjithë ajo që po ndodh ka një shkak të vetëm, abuzimin me paratë publike dhe mungesën e përgjegjësisë nga qeveria”,- u shpreh Korreshi./CNA

 

 

 





Lajmet e fundit nga