web counter
LEXO PA REKLAMA!

SHKARKO APP

App Store
Google Play

E fundit!

x

400 familje pa banesë nga tërmeti/ Zhulali: Ofendim të diskutohet a duhet të marrë pagë Veliaj

19 Dhjetor 2025, 16:21, Politikë CNA

400 familje pa banesë nga tërmeti/ Zhulali: Ofendim të diskutohet

Këshilltarja e Partisë Demokratike në Këshillin Bashkiak të Tiranës, Ilda Zhulali u shpreh sot lidhur me buxhetin e miratuar dje nga ky këshill. 

E ftuar në A2 CNN, Zhulali tha se kjo bashki ka një sërë çështjesh prioritare, si rasti i 400 familjeve në Tiranë që kanë mbetur pa banesë nga tërmeti i vitit 2019.

Zhulali deklaroi se mes këtyre problemeve, është e papranueshme që të diskutohet a duhet të marrë pagën kryebashkiaku i arrestuar i Tiranës, Erion Veliaj.

“Patëm familje të cilat ishin prekur nga tërmeti i 2019-ës, por që ende nga një zyrë në tjetrën dhe nuk marrin përgjigje për shqetësimet e tyre. Dhe çfarë doli nga ajo dëgjesë që është një realitet për të cilin nuk flet askush dhe është e tmerrshme, janë minimumi 400 familje në Tiranë, të cilat nuk kanë arritur që të aplikojnë në kohë në vitin 2020 kur u hap një portal i qeverisë për banesa të reja ose kanë qenë në procese kur këto pallate duhet të vlerësoheshin edhe njëherë nëse duheshin shembur apo jo.

Tani meqenëse ky sistem është mbyllur që në 2020-ën nga qeveria, këta nuk aplikojnë dot për një banesë të re, pra nga procesi i rindërtimit, por nuk përfitojnë dot as bonusin e qirasë dhe askush nuk u jep drejtim. As bashkia nuk tregohet e sinqertë dhe e vërtetë me banorët u thuhet po do ta zgjidhim dhe askush nuk thotë se çfarë zgjidhje do t'u jepet.

Është e papranueshme dhe për mua është ofendim që të diskutoj a duhet të marri zoti Veliaj rrogë. Zoti Veliaj duhet të japë dorëheqjen dhe jo vetëm kaq, duhet të ishte shkarkuar nga Këshilli Bashkiak për shkelje të rënda ligjore”, tha Zhulali./CNA

 

 

 





Lajmet e fundit nga