web counter
LEXO PA REKLAMA!

SHKARKO APP

App Store
Google Play

E fundit!

x

Shtyrja e mbledhjes për imunitetin e Ballukut/ Bardhi: Data e re, politikë e Ramës për të fituar kohë

19 Dhjetor 2025, 15:55, Politikë CNA

Shtyrja e mbledhjes për imunitetin e Ballukut/ Bardhi: Data e re,

Kreu i Grupit Parlamentar të PD-së, Gazment Bardhi ka reaguar lidhur me përfundimin e mbledhjes në Komisionin e Mandateve për imunitetin e zëvendëskryeministres, teksa këtë pasdite u vendos shtyrja e mbledhjes.

Në një deklaratë para gazetarëve, Bardhi u shpreh se kërkesa e mazhorancës për një datë rë re, rreth një muaj më vonë është një politikë e kryeministrit Edi Rama për të fituar kohë.

Bardhi shtoi se për opozitën, çdo vonesë mund të rrezikojë provat dhe intimidimin e dëshmitarëve

“Në kuadër të të drejtës për tu mbrojtur, sigurisht edhe të deputetëve dhe anëtarëve për tu njohur më materialet e plota, 5 anëtarët e opozitës kërkuan që mbledhja të ndërpritej, deputetët të pajiseshin me materialin e plotë dhe të rimblidheshin për të dëgjuar Prokurorinë dhe të pandehurën Balluku të hënën në mëngjes. Por, për fat të keq, u zbulua skenari që në fakt është i njohur për këdo që merret me politikë se Rama nuk e ka vendosur se çdo bëjë me Ballukun dhe po i jep kohës vetes të njihet me provat dhe deri  ku shkon përgjegjësia e tij dhe sa të dhëna ka për të në atë dosje dhe në deri në ç’nivel shkon kërcënimi apo rreziku që i sjell i lëshimi i Ballukut, sa kërkuan që mbledhja e radhës të jetë pas një muaji, rreth datës 20 janar. Ndërkohë që nga ana tjetër, prokuroret e SPAK, të cilët i falënderoj për profesionalizmin gjatë mbledhjes së sotme, por edhe për durimin në debatet tona, se si kryetari i Kuvendit do duhet të respektonte ligjin. Bën të qartë që kjo është një çështje e ngutshme u shpreh prokuroria dhe se çdo vonesë mund të rrezikojë provat dhe intimidimin e dëshmitarëve”,-tha Bardhi./CNA





Lajmet e fundit nga