web counter
LEXO PA REKLAMA!

SHKARKO APP

App Store
Google Play

E fundit!

x

Protestat kundër qeverisë/ Florjan Binaj: Sot është dita t’u fusim frikën

18 Dhjetor 2025, 22:51, Politikë CNA

Protestat kundër qeverisë/ Florjan Binaj: Sot është dita

Ish-kandidati për Bashkinë e Tiranës, Florjan Binaj ka deklaruar se protestat kundër qeverisë janë detyra bazë të çdo qytetari që nuk pranon të nëpërkëmbet, nuk pranon të vidhet dhe të nënçmohet.

Binaj tha se sot është dita që të gjithë qytetarët të bashkohen dhe t’i fusin frikën qeverisë për të ndalur rrugën e mbrapshtë në të cilën e ka futur Shqipërinë.

Ai tha se do t’i bashkohet të gjithas protestave kundër qeverisë.

“Protestat kundër qeverisë janë detyra bazë të çdo qytetari që nuk pranon të nëpërkëmbet, nuk pranon të vidhet dhe të nënçmohet.

Kur qytetarët heshtin, qeveria trimërohet dhe abuzon e i shkel qytetarët e saj me këmbën e pushtetit. Kur qytetarët ngrenë zërin, çohen në këmbë, protestojnë së bashku, qeveritë tërhiqen dhe struken.

Sot është dita që të gjithë ne, të gjithë qytetarët, pa dallime partiake, t’i fusim frikën qeverisë dhe ta ndalim në këtë rrugë të mbrapshtë ku e ka futur Shqipërinë.

Ne duhet të ngremë zërin, të çohemi në këmbë dhe të bëhemi bashkë.

Është shumë mirë që njerëzit po çohen por nuk është gjë e mirë që po çohen të ndarë në grupe të ndryshme.

Unë do të bëhem pjesë e të gjitha protestave. Sot isha tek protesta e Adriatikut dhe e mbështetësve të protestës së tij, nesër do t’i bashkohem protestës së Partisë "Mundësia".

Ditën e shtunë do t’i bashkohem protestës së levizjes "Shqipëria Bëhet", dhe ditën e hënë do të marr pjesë në protestën e organizuar nga Partisa Demokratike.  Shpresoj shumë dhe uroj me zemër, që shumë shpejt do bëhemi të gjithë sërish së bashku, pa dallime politike, të gjithë si qytetarë!”, tha Binaj./ CNA





Lajmet e fundit nga